المشاركة الأصلية كتبت بواسطة بناخي الايداء (المشاركة 325473) ابو محمد ارحب يسنايدي انا معاد اوحي من الدبكه وابو نجلر عجته ثايره اعمسنا بالغبره اطرحه خله يهيد ههههههههههههههه

يامرحبا يالشاعر اللي جيتنا طُرّقي وضيـف=لَكِنّ ريّـض خطوتـك يالطُرّقـي العجلانيـه
ترى المعاني كنّها مزون المطر تمشي صفيف=وأن لاح برّاق الحياء بسـم الله الرحمانيـه

رحيّم الغنامي

دام البقا و انا هنيا ضيف و انت المستضيف=يا معزب الضيفان سوق الكيف للضيفانيـه
عيني تخيل المزنه اللي برقها جاله رفيـف=لكنّ مدري عن بروق الصيف في الامزانيه

الكبتن مناحي

يارحيّم أنته لك ثمان سنين فالشرطه عريف=لكنّ ابا ارقّيك (ظابط)فـي وظيفـه ثانيـه
ماهو بلازم مايعيش الروقي الاّ في عفيـف=الخير واسع والسّعه في ديـرة العتبانيـه

رحيم الغنامي

مكاتب التوظيف اورى في وظايفها واعيـف=الدخل ما من دخل وعظـام البنـادم فانيـه
تجار سوق البورصه عان ارصدتها في جنيف=ما اقول غير الله يبارك في الغصون الدانيـه

الكبتن مناحي ( راع الباص )

أنته بعصر ابن سعود ..ولا انت في عصر الشريف=عصـر التطـوّر يارحيّـم طــوّر البدوانـيـه!!
واليا بغيّت الصيف والمصياف عانـه فالمصيـف=تعطّر مـن الـورد وأكـل الخـوخ والرمانيـه!!

عصر التطور طافك و حدّك على حيد الرصيف=وين انت عن عصر التطور وانت في الضلعانيه
الطايف المانوس دار الكيف و الجو اللطيف=غلاه مستوزيه ما بين الضلوع الحانيه