لمذيع اللي يقدم علةٍ ياوي عله=يوم يعني ماعليه ويوم ما يسوى ريالي
والولد مهما تغير مولده وألأ سجله=مستحيل أصدقك لو قلت واحد من عيالي

مرحبا ترحيب ياصل كل واحد في محله =عبر خط التيلفون وشاشة الحاسوب الالي
الدميحي صاحبي يستاهل الترحيب كلّه = في قديمات الليال وفي جديدات الليالي

بارك الله فالرجال اللي على مذهب ومله=والحقيقه مايعرفون الرجال الا الرجالي
خلنا ياوصل نسعى فالديار المستقله=مرةٍ صوب الجنوب ومرةٍ صوب الشمالي

أسمع إنـّك بانيٍ لك عند شطّ البحر فلـّة = وآخر الأيام قلت إن البحـَر كلّه حلالي
خـلّ راع المعرفة يعطيك ربع العرف خلّه= تستفيد وعِرفة الطـّيــّب تراها راسمالي

أنت تسمع في كلام الناس لو من دون أدله=كيف تسمع في صحيبك هرج قيل وهرج قالي
جايب إلك غصن شجرة مايظل الناس ظله=ودك أنك تغرسه بين المحايا والعوالي

أنت قلته والله أعلم عمـْـد والاّ جات زلة ؟=ما دريت |إن الإجابة نصـفها فهم السؤالي
الحقيقة ما تغيــّر ردّ سيفك لا تسلـّه = والجمال اللي تعوّد خير من بعض الجمالي

خطوة الخايف تردد بين خوف وبين ذله= والشجيع إسابق أنسام الهبايب ما يبالي
نجمك اللي ترقبه بين النجوم اللي مطله=موقعه ماهو طبيعي بين الأقصى والموالي

المذيع الاجـودي نقـز عيونـك بالاخلـه =وانت يفجعك السوال اللي يجي مثل الخلالي
لا تعايـن فالنجـوم ولا تعايـن فالاهلـه = مابدا لك في سماها لا نجـوم ولا هلالـي

المذيع اللي يقدم علةٍ ياوي عله=يوم يعني ماعليه ويوم ما يسوى ريالي
والولد مهما تغير مولده وألأ سجله=مستحيل أصدقك لو قلت واحد من عيالي