|
زف الفــرح ياهاجســي والتهــانـــــي
بمناسبــة عيــد الفــطر لااقرب النـاس نــاسٍ غــلاهــم راســخٍ فــي كيانــي اغلى من اصناف الجواهر والالمــاس للعيــــد فرحـــــة وابتهــاج ومعانـــــي شلال من فيض المشاعر والاحساس وعاد انت غيرالناس لك وضــع ثانـــي (بارق أمل) في ظلمة الياس نبـراس شيّدت في صدري صـــروح ومبانــــي ماهيب حيّــا الله مبـانــي بـلاســــاس نقشــت طيفـــك فالضلــوع المحانـــــي وخليت فكري يضرب اخماس ف/اسداس |
الورقة 53
ودّع الخوف واقطع للوصل تذكـــرة الورقة 53عاند احزان عمرك وابتسم للحياة غادر اجواءك اللي بالحزن ممطـــرة من يدين الاماني هاك طوق النجاة وشبقــى غير ودّك والغــلا نذكــــره خالدٍ ف/الخيــال وعاليٍ مستــواه أعطنا ليل من عهد الهوى نسهره ليلةٍ بدرها مايختفي من سمــاه أدري ان الليال بطلّتــك مقمـــرة القمــر كلّما شافــك يعــــوّد وراه ذكرياتك كما الروض الخضر مزهرة كل غصنٍ يميل وينحني من رواه ليه مااهديلك الحرف النفيس اسورة؟ نبض حرفي نهر واهل الهوى في رجاه بين ضفّة وضفّة بالوصـــال اعبــره والامانــي رياح وبوصلـــة واتجـــاه صــار قلبي دخــون وحبّك المبخـــرة احرق احساسي الطاغي بجمرة غضاه وكان طبعك تناسى الــود ماتذكــره من تناسى تجاهلته وقلبي نساه من نساني ورى حدب الضلوع اقبره واتلقّى التعازي وادفنه في غـــلاه ايه انا فوضــوي واوراقـــي مبعثـــرة ونبض قلبي قريّب من سهام الرُماة مير مااخيل برق المزنــة المدبـــرة رابي النفس في عز وكرامة وجاه |
الورقة 54
يا صاحبي ذبلت الفرحــة ومــــلّ البطـــا وضــاع الامل واندثــر في سكّة المستحيل معقولة ارسـل سلامــي مع طــيور القطـــا ضاعت عناوينك وضعنــا وضاع الدليـــل والله لو اعطيتني لااعطيك ضعف العطا وانا عتيبي ولا اخبــر في عتيبة بخيـــل حنّا كما سيــف خـــالد يوم بــان وسطـــا الاسم لايـــق ولا نرضى بغيــره بديــــل وحنّا كما السيل لاجــاس الديار ووطـــا جبار لن هلّت امزانــه وضاق المسيــــل |
صـح لســانكــ ياهلال |
اقتباس:
صح قلبك ونبضك مرورك فخر لاعدمتك |
الورقة 55
حسبي الله على من روّع الغافليــن كل ساعة هجوم وكــل يوم انفجـــار حسبي الله على من عذّب المسلميــن وبث ف/اوطانهم رعب وخــراب ودمـــار كيف بغداد صارت وكــر للمفسديـــن ارعبــوا كــل اهاليها كبــــار وصغــــار انصبوا لاهلها في كل شارع كميـــن عانهم بين رعـــب وفتنـــة وانهيــــار الفقر محتويهم والقهر كـــل حيــــن والمنايــا تخاطفهم يمين ويســـــار دمّهم سال واروى وادي الرافديــــن كــن غازينهـــم روم ومغــول وتتـــــار داخــل بيوتهـــم حتّــى مهــم آمنيــن وفي مساجدهم المعمورة اطلاق نار فين حرمــة بيوت الله والساجدين؟؟ وين دم العروبة وين حسن الجوار؟؟ يالعراق استباحوا عرضك الطامعين والعروبة توارت والامل ف/انحـــدار يالله اني طلبتك وانت نعم المعين ردّهـــا في لباس العز والافتخـــار سخّرلها رجـــال عزمهـــم مايليــن يرقعون الخلل ويصححون المسار وانصر اهل الهدى والحق دنيــا ودين واصرف الشر واهله عن هذيك الديار |
اقتباس:
اعجبني بوحك الصادق واحرفك شاعرنا المبدع.. متاابع واتشرف . |
الأخ الشاعر هلال العتيبي هلا وغلا بهذه الإطلاله البهيه هلال العتيبي شاعر له بصمه خااااصه أنا من أشد المعجبين بقصايدك من سنين هلال العتيبي باقي لديك الكثير ولم تورد هنا إلا القليل بإنتظار ك تحياتي |
اقتباس:
يامرحبا يامرحبا بأُستاذنا اللي علمنا الشعر لك صدر القلب والمكان ياأمير مودتــــــــــــــــــي |
صـح لســانكــ ياهلال
|
| الساعة الآن »07:11 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd