الهيـــــــــــــلا *** منتدى قبيلة عتيبة
صفحة 16 من 21 « الأولى 61415 16 1718 الأخيرة »
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   المحاروه المباشره التي اقيمت بين الشاعرين عبدالله عتقان ووصل العطياني (http://www.otaibah.net/m/showthread.php?t=38092)

بعيـد المرامع 30-Apr-2007 12:02 AM
اقتباس:
المشاركة الأصلية كتبت بواسطة وصل العطياني؟؟؟ (المشاركة 329787)



إبذل المجهود وإن حدّك على الإحراج قلــّـه :
== يا مذيع أرجوك خفف لا تدربيها ثقالي

علّموا شاعر سليم إن كان علمي ما فطن له
== البعير اللي عليه الوسم أخير من الغفالي

تحيااااااااااااااتي .

الليــــــــــــــــل الليـــــــــــل ..


وابو مشهور ..يوفي الكيــل ..

وصل العطياني؟؟؟ 30-Apr-2007 12:02 AM


بعدي يا بعيد المرامع ...

كفو كفو ...


عليهم الميل ونص ...

ما غير يتهاوشون الله لا يبلانا :)


تحيااااااااااااااتي .

بندر حسين 30-Apr-2007 12:04 AM
يعني تخلوناااااااااااا أنا وخويي


وترحون لحالكم والله ضلم

وكبر ضلم

ابو حاتم 30-Apr-2007 12:05 AM
إبذل المجهود وإن حدّك على الإحراج قلــّـه :
== يا مذيع أرجوك خفف لا تدربيها ثقالي

علّموا شاعر سليم إن كان علمي ما فطن له
== البعير اللي عليه الوسم أخير من الغفالي
صح السانك يابو مشهور


علّموا شاعر سليم إن كان علمي ما فطن له
== البعير اللي عليه الوسم أخير من الغفالي

ابدع يالعطياني

مرزوق حمدان العتيبي 30-Apr-2007 12:05 AM
وصل العطياني

مرحبا ترحيب ياصل كل واحد في محله =عبر خط التيلفون وشاشة الحاسوب الالي
الدميحي صاحبي يستاهل الترحيب كلّه = في قديمات الليال وفي جديدات الليالي

عبد الله عتقان

بارك الله فالرجال اللي على مذهب ومله=والحقيقه مايعرفون الرجال الا الرجالي
خلنا ياوصل نسعى فالديار المستقله=مرةٍ صوب الجنوب ومرةٍ صوب الشمالي


وصل العطياني
أسمع إنـّك بانيٍ لك عند شطّ البحر فلـّة = وآخر الأيام قلت إن البحـَر كلّه حلالي
خـلّ راع المعرفة يعطيك ربع العرف خلّه= تستفيد وعِرفة الطـّيــّب تراها راسمالي

عبد الله عتقان

أنت تسمع في كلام الناس لو من دون أدله=كيف تسمع في صحيبك هرج قيل وهرج قالي
جايب إلك غصن شجرة مايظل الناس ظله=ودك أنك تغرسه بين المحايا والعوالي


وصل العطياني

أنت قلته والله أعلم عمـْـد والاّ جات زلة ؟=ما دريت |إن الإجابة نصـفها فهم السؤالي
الحقيقة ما تغيــّر ردّ سيفك لا تسلـّه = والجمال اللي تعوّد خير من بعض الجمالي


عبد الله عتقان
خطوة الخايف تردد بين خوف وبين ذله= والشجيع إسابق أنسام الهبايب ما يبالي
نجمك اللي ترقبه بين النجوم اللي مطله=موقعه ماهو طبيعي بين الأقصى والموالي

وصل العطياني

المذيع الاجـودي نقـز عيونـك بالاخلـه =وانت يفجعك السوال اللي يجي مثل الخلالي
لا تعايـن فالنجـوم ولا تعايـن فالاهلـه = مابدا لك في سماها لا نجـوم ولا هلالـي

عبد الله عتقان
ا
المذيع اللي يقدم علةٍ ياوي عله=يوم يعني ماعليه ويوم ما يسوى ريالي
والولد مهما تغير مولده وألأ سجله=مستحيل أصدقك لو قلت واحد من عيالي

وصل العطياني

إبذل المجهود وإن حدّك على الإحراج قلــّـه =يا مذيع أرجوك خفف لا تدربيها ثقالي
علّموا شاعر سليم إن كان علمي ما فطن له = البعير اللي عليه الوسم أخير من الغفالي

أبوشديد المثيلي 30-Apr-2007 12:06 AM
صف أبن عتقان ماعليهم ميل

وبعدين خلك من مهاوشه ما مهاوشه

ياوصل العطياني

( أطربنا )

هذا الشفره اللي بيني وبينك ليتك تفهمهاااااااااا

ترا اللي سرا
............................صف أبوعيسى

بعيـد المرامع 30-Apr-2007 12:08 AM

مااااااااااااااش عتقان ...ياصف بن عتقان ..

المدير مرزوووق وانهوووووو

ليكون جاااااااااه شد عضلي . :D

وصل العطياني؟؟؟ 30-Apr-2007 12:09 AM


ههههههههههههههههههههههههههههههههههههههههه


طيب طيب يا ابو شديد ...

الله يرج إبليسك يا شيخ ...

ايه يا بعدي ابشر ابشر قرب الفرج :)


تحيااااااااااااااتي .

مرزوق حمدان العتيبي 30-Apr-2007 12:09 AM
...
.

ابو شديد ماعليك منهم وانا اخوك
.. هذا بس قهر من ابداع صفنا
...

خلوكم بس على الوزنه ... :)
واللي يتعب ياخذ بيالة شاهي ومويه صحه بارده
...
وصفهم شف جاه النوم .. :)
وبعيد المرامع جاااااي مدد .. ورقد معهم ههههههه

بندر حسين 30-Apr-2007 12:10 AM
ياااااااااا وصل والله انكم خطيرين وينخاااااااااااااااااف منكم

بعدين احنااااااا ماتهوشناااااااا بلعكس نمزح مع بعض


يااااااااااا بوشديد انت قاااااااااائد صف ابوعيسى ونتبه

ياااااااااا وصل سيب الحركات الي ماااااااااااالهااااااااا داعي يعني تبي تحطهاااااااااااااااا في راسي

حسبي الله عليك


الساعة الآن »11:17 AM.
صفحة 16 من 21 « الأولى 61415 16 1718 الأخيرة »
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd