المشاركة الأصلية كتبت بواسطة كعام (المشاركة 1120873) صـح لســانكــ ياهلال

البارحة سهران والفكر محتار=ارعى النجوم وليل حالك سواده
ان جيت انام تهبّني نود الاشعار=تعبت واتعبت القلم والوسادة
كثرت هواجيسي وكثرن الافكار=والامر لله حلّته وانعقاده
ياخالقي مابيني وبينك اسوار=وانت الودود اللي غمرني وداده
اخطي واصيب ونفسي تعاند مرار=والقلب نحوك وجهته وانقياده
مااشركت بك حتى لو ذنوبي كثار=بلْساني وقلبي نطقت الشهادة
الطف بعبدك ياعليمٍ بالاسرار=واستر خلل ذاته وعثرة جوادة
وارزقني بحبّك مع الناس الابرار=ووفقني لخير العمل والعبادة
وفي طرقتي يسرلي الصحب الاخيار=اهل العقول الراشدة والركادة
يارب حرّم وجه عبدك على النار=ودلّه على درب الهدى والرشادة
واهده للاستغفار حزّات الاسحار=وفالثلث الآخر ركعتين وزيادة
يآرب تحميني من الخزي والعار=بين الخلايق يوم عرض ووفادة
واكرمني بتوبة قبل تقض الاعمار=قبل العمر يفنى وتفنى جداده
وجنّبني اوقات التعاسة والاعسار=واغمرني بفيض الهناء والسعادة
يارب يامنزل من المزن الامطار=ربٍّ كريم وعمّ خيره عباده
تسقي وطنّا هامي الغيث مدرار=وحقق ويسّر كل حيّ لمراده
وصلى الله وسلّم عدد طلْع الازهار=واعداد ماخط القلم من مداده
على الشفيع المصطفى نور الانوار=خير الخليقه في هداه وجهاده

المشاركة الأصلية كتبت بواسطة خلف القثامي (المشاركة 1123903) أوراقك خضراء تلفت الانتباه واستمتعت بمفرداتها كثيرا صح لسانك ياشاعر المنتدى الرائع هلال العتيبي سلمت اناملك ع الايراد الجميل

ياربي اجعل خواتيمي وانا ساجد=داخل حرم مكة او مسجد رسول الله
ان كثرت ذنوب عبدك رحمتك واجد=عفوك سحاب بكرمك وجودك تهلّه

المشاركة الأصلية كتبت بواسطة الصويت الثبيتي العتيبي (المشاركة 1140548) صـح لســانكــ ياهلال

المشاركة الأصلية كتبت بواسطة حاكم حاتم العتيبي (المشاركة 1141574) صح لسانك قصائد جميله من شاعرن جزل