الهيـــــــــــــلا *** منتدى قبيلة عتيبة
صفحة 19 من 21 « الأولى 91718 19 2021
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   المحاروه المباشره التي اقيمت بين الشاعرين عبدالله عتقان ووصل العطياني (http://www.otaibah.net/m/showthread.php?t=38092)

رجـم النـايـف المطيري 30-Apr-2007 12:36 AM
ياسلام

نقض وفتل من الدرجه الاولى

ولله دركما يافطاحلة الشعر

تحيااااااااااااتي لكم

وشكرا للصفوف وماقصرتو

تحياتي

ابن نميان 30-Apr-2007 12:37 AM
بيض الله وجيهكم

على القاف


الطيب



لاهنتووووووو جميعا


من شعار وصفووووفـ



دمتم بعافيه

:
:
:
:
:
:
...

عبد الله عتقان 30-Apr-2007 12:37 AM
بيض الله وجيه الجميع

أعضاء

ضيوف

مشاركين

أخي وصل العطياني

أنتهت المبارة بفوزك 8/صفر

وصراحة تستاهل كفووووووووووووو

فقط يكفيني أني تحاورت معك في هذا المكان اللي يشرف كل من زاره

تصبحون على خير

بندر حسين 30-Apr-2007 12:37 AM
ليه مثقللللللللللللل عليك

والله اني اخرج علىشان ماتزعلى

ياااااااااابو مشهوووووور

بعيـد المرامع 30-Apr-2007 12:38 AM


عشتو والله ..

شعر ..معنى ومبنى..

الشهاده ..والاشاده.. فيكم ..نزيفها حاااااااد ..

والصفوف..مبدعين ...وواعين :)..

الليالي بركه ..وابركها الليله اللي جمعتنا :)..

عبد الله عتقان 30-Apr-2007 12:40 AM
يالربع أفزعوا لي
وعدلو البيت اللي يقول

مادريت إن الخطاء في صاحبي طبع وجبله

لإن كلمة إن ما كتبتها

ابن مشيب 30-Apr-2007 12:41 AM
اقتباس:
المشاركة الأصلية كتبت بواسطة عبد الله عتقان (المشاركة 329817)
يالربع عدلو بيتي الثاني

والله أني يوم أطالع وأنا كاتبها خطاء أطلع تكفوون عدلوا
اقتباس:
المشاركة الأصلية كتبت بواسطة عبد الله عتقان (المشاركة 329817)
يالربع أفزعوا لي
وعدلو البيت اللي يقول

مادريت إن الخطاء في صاحبي طبع وجبله

لإن كلمة إن ما كتبتها


تم التعديل يابوهذال , صح السانك ولسان ابومشهور , ودام بوحكم , ونتمنى ان لاتكون اول زيارة واخر زيارة , وننتظر جديدك يابحر جدة:)


تحياتي

بعيـد المرامع 30-Apr-2007 12:42 AM


عشت يابن عتقان...فن واتقان ..ولاهان وصــــل العطياني..

وسعدنا بتواجد الكل...وصف سليم :)..

مرزوق حمدان العتيبي 30-Apr-2007 12:43 AM
وصل العطياني

مرحبا ترحيب ياصل كل واحد في محله =عبر خط التيلفون وشاشة الحاسوب الالي
الدميحي صاحبي يستاهل الترحيب كلّه = في قديمات الليال وفي جديدات الليالي

عبد الله عتقان

بارك الله فالرجال اللي على مذهب ومله=والحقيقه مايعرفون الرجال الا الرجالي
خلنا ياوصل نسعى فالديار المستقله=مرةٍ صوب الجنوب ومرةٍ صوب الشمالي


وصل العطياني
أسمع إنـّك بانيٍ لك عند شطّ البحر فلـّة = وآخر الأيام قلت إن البحـَر كلّه حلالي
خـلّ راع المعرفة يعطيك ربع العرف خلّه= تستفيد وعِرفة الطـّيــّب تراها راسمالي

عبد الله عتقان

أنت تسمع في كلام الناس لو من دون أدله=كيف تسمع في صحيبك هرج قيل وهرج قالي
جايب إلك غصن شجرة مايظل الناس ظله=ودك أنك تغرسه بين المحايا والعوالي


وصل العطياني

أنت قلته والله أعلم عمـْـد والاّ جات زلة ؟=ما دريت |إن الإجابة نصـفها فهم السؤالي
الحقيقة ما تغيــّر ردّ سيفك لا تسلـّه = والجمال اللي تعوّد خير من بعض الجمالي


عبد الله عتقان
خطوة الخايف تردد بين خوف وبين ذله= والشجيع إسابق أنسام الهبايب ما يبالي
نجمك اللي ترقبه بين النجوم اللي مطله=موقعه ماهو طبيعي بين الأقصى والموالي

وصل العطياني

المذيع الاجـودي نقـز عيونـك بالاخلـه =وانت يفجعك السوال اللي يجي مثل الخلالي
لا تعايـن فالنجـوم ولا تعايـن فالاهلـه = مابدا لك في سماها لا نجـوم ولا هلالـي

عبد الله عتقان
ا
المذيع اللي يقدم علةٍ ياوي عله=يوم يعني ماعليه ويوم ما يسوى ريالي
والولد مهما تغير مولده وألأ سجله=مستحيل أصدقك لو قلت واحد من عيالي

وصل العطياني

إبذل المجهود وإن حدّك على الإحراج قلــّـه =يا مذيع أرجوك خفف لا تدربيها ثقالي
علّموا شاعر سليم إن كان علمي ما فطن له = البعير اللي عليه الوسم أخير من الغفالي

عبد الله عتقان

لا تعاتبني لاحالي عاتب اللي سامحله=وأعرض الدعوى على أصحاب السعاده والمعالي
والله أني يوم أطالع صورته وسط المجله=مالقيت أمن الشبه غير العمامه والعقالي

وصل العطياني

أنته اللي رحت له ما جاك نازل في مظلة = مير جعل الله يفرج لك يا بدهان الرمالي
لا تذمــّه ما انت واصل ربع ميصال وصلّ له = ما يذمـّه غير رجال من المعقول خالي

عبد الله عتقان
مادريت ان الخطاء في صاحبي طبع وجبله=لو دريت أبعد طريقي عنه لو أجلس لحالي
بيض الله وجه أبوه وكل رجلٍ فازعله=أشهد إن أعتيبه الهيلا مكرمة السبالي

وصل العطياني؟؟؟ 30-Apr-2007 12:43 AM

لا هنت يا ابو هذال وبيض الله وجهك ...

احنا اللي كسبنا الليلة بتواجدك معنا هو المكسب الحقيقي ...

ونتمنى ما تقاطعنا ...

والموقع موقعك ونتشرف بوجودك انت وشرواك ...

الشباب الليلة اسعدونا وشرفونا ...


وتحياتي لهم جميعً وأكيد أطربناك ياا مثيلي :)


الشكر والتقدير لكل من قام بتنسيق المحاورة ...

وللشباب المشاركين والمساندين لنا ...

وكلمة شكر قليلة فيهم ....

واكرر شكري لك يا ابو هذال والنتيجة 0 - 0 الله يا منا الدفاع مكثف :D


تصبحون على خير ...




تحيااااااااااااااتي .


الساعة الآن »04:58 PM.
صفحة 19 من 21 « الأولى 91718 19 2021
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd