ششت من باب الحميه يافلاح=وششت من باب الرجوله والوفا
ابن عمي لن حصل جد ومزاح=درع جنبي لن كفيته وان كفا
وكان عادت يابن عمي للسلاح=ماذخرنا شي لو ننحت صفا
نورنا لاشب يضوي كالصباح=وإن مشينا وسط ظلمه ماطفا
زد رواقه واشرح الصدر انشراح=وابدع القيفان ماحولك جفا
نقها نقي الذهب بأرضن صحاح=وأنت لك بالعرف كنزن ماخفا
مايخلي ماقفه غير البراح=مانعده شي في برد ودفا
كلنا وياك يوم البرق لاح=والخيال أرزم وخيره مردفا
أنت زبنن للذرابه والكفاح=وأنت تشريفن نشوفه ماهفا
معك يابن العم لو عكس الرياح=بالعزوم اللازمه مانضعفا
ووقفتي تظهر كما نور الصباح =ولايقال لمثلنا لجلك أفا