قـال العـتـيـبي بعـد هـاضـت هنـاديـبــة = مثـايــلٍ صاغـها عــذبـات وجــزالــي
تهـدا عـلـى الطيـــب لمكمـل مواجيبـه = اللـي يشيــل الحمـول خفـاف وثقـالـي
سـلام مني لابـن حمـاد أبـــو هـليبـــه = النــادر اللـي رقـى بالنــايـف العـالـي
منـاحي اللـي عـلى الطـولـة مكاسيبـه = قــرمٍ ليـا جـا لزومـه يـرخـص الغـالي
الصعــب مبــــداه والعليــا مـراقـيبــه = يـــوم الصعـيبـه لهـا حــزات ورجـالــي
والحمـر ما ساقهـا يا كـود من طيبــه = قــدم الجماهـيـر في ممشـى وزرفـالي
الــزيـن بـوصـوفهـا بانـت تعـاجـيبـــه = فــج المناكــب وجـرد أرقـاب وطـوالـي
يبـا ينـومس هـل الطـولات والهيبـــة = ربــع لهـم فــي مقــر العــز منـزالـــي
ترعى بهـم فـي زمـانٍ عـاويٍ ذيبــه = في ظـل حـدب السيـوف وفعـل الابطالـي
ذباحـت الحيــل للضيــف ومعـازيبــــه = لطـامــت العـايـليــن مــن أول وتـالــي
قلتــه وأنا مـن عيـال العــود أماريبـه = فـي ماقــفٍ محتمـينـه عـبـر الأجــيـالـي