الهيـــــــــــــلا *** منتدى قبيلة عتيبة

ان كنت تكلم على مستوى الدولة اقول كلامك صح ولا نختلف !

لكن على مستوى المواطن غلطان يالمورقي جملة وتفصيل

هذا نصف الشعب السعودي تحت خط الفقر وفي بلاد النفط !

وش تسمي هذا ؟

طفرة بعد ولا تطفيره وفقر فاحش !

خلنا واقعيين فكل شيء الله يطول عمرك

المواطن مايدري يلقاها من وين الاسعار طارت فكل شيء ؟

المواد الغذائية اسعارها مرتفعة كيس الرز ياصل 300 ريال

الايجارات في بعض المناطق غالية وانت تعرف ان هناك طبقات من الشعب السعودي لايملك سكن

وعايش حياته على الايجار السنوي.

حتى بالببسي بريال ونص

الغلاء فاحش وفاق الخيال وعندنا التجار يتلاعبون بالاسعار فوق ذلك!

وين الطفرة اللي استفاد منها المواطن ؟

اقتباس:

الرواتب زادت - البطاله انخفضت- الضمان الاجتماعي استفاد منه كثير من فئات المجتمع-

زيادة الرواتب استفادته منها الطبقات ذات المستوى العالي والرواتب الرفيعة والحقت اضرار بالمواطن

الفقير اللي مايتعدى راتبة 3000 ريال وش تسوى له الزيادة مع الغلاء الفاحش وارتفاع الاسعار

ويمكن عنده بيتين ثلاثه ويصرف عليها !

البطالة في ازدياد سنة بعد سنة كم من الخريجيين كل سنة يتخرجون بمختلف مستوياتهم واجناسهم

من ذكور واناث وبالاخص الثلاث سنين الاخيرة فهي فأزدياد كبير !

والضمان الاجتماعي بالله قلي وش يغطي للمواطن اللي عايش على قد حاله وفجأة طارت عليه الاسعار

وصعبت عليه المعيشة اليوم واكثرهم بعد !

اقتباس:

قروض للمتزوجين- قروض للاسره الفقيره- استفاد عدد كبير من المواطنين من القروض العقاريه

صح بعد زيادة قروض بنك التسليف الى 45000 استفاد منها قلة فقط متزوجين واصحاب الاسر فالبداية

لكن اليوم يواجه بنك التسليف عجز مالي وتم قبل فترة دعمه من الملك عبدالله ولا غطت على شيء

كثرة عليهم الطلبات وزداد عدد المتقدمين بين الحين والاخر وصارت المواعيد بالسنة والسنتين والى اكثر

وبعد تراجعهم يعطونك كاش يقولون ماعندنا فلوس راجعنا فيما بعد

قروض العقارية كما هي ما اشوف انها تحسنت عن وضعها المسبوق!

الكلام يطول لكن اكتفي بهذا الايضاح

والله يوفق الجميع