عز الله اني يا ولد عيد محدود= اطا على روس الصعانين حافي
ما جاتني ضده ولا ني بمضهود=ولا ني بجايع في سنين عجافي
ولا هوب من حب الغضي لين العود=ولا بي مرض زي ماتشوف امتعافي
مير البلا فالحض لا صار معقود=وشلون اشب النور والنور طافي
اضحك واجامل لكن القلب ملهود=حيل الله اقوى يالقلوب النضافي
اكضم على الجمره وفالقلب بارود=والكبد كن ابها السيوف الرهافي
احترت بين البيض يا سعود والسود=وازريت اداو الجرح والجرح خافي
ينزف صديد وكن في داخله دود= ولا عاد باقي غير اناد المطافي
ماني بلا جاهل ولاني بمقرود=لكن حضي صار فيه انعطافي
والله مالي ذنب يا منبع الجود= حتى اني اكثر بالسعي والطوافي