المشاركة الأصلية كتبت بواسطة فهد علي العازمي (المشاركة 1067839) موضوع قيم وغير مستغرب على مثلك في الإبداع ومرزوق ما أجمل ماينظمه مرزوق المقاطي في مجال النظم جمالية تطغى على كل الوصف وإبداع مبهر للغاية على الرغم من تفوقه في المحاورة إلى ان النظم عندي له طابع خاااااااص

يارجم أنا ماجيت مبداك شفقان = ولاني بمشتاق ٍ لعسر المراقي
يبديك من قضـّى حياته بالاحزان = وآيس من ايام الفرح والتلاقي
ابيك انا يارجم ماني بطرّان = ليا دق بي هاجوس والصدر ضاقي
لاشك يوم ابديك كلـّه على شان = أسج ساعه لو تعب عظم ساقي
وأرقى على مبداك غايض وزعلان = وأرجع بغيضي مثل ماني براقي
لا واهنيـّك ماتبيدك الازمان = الناس تفنى وانت يارجم باقي
والعام أنا ويـّاك والزين جيران = واليوم قربك عقبهم مايطاقي
مافيك غير الطير والذيب سرحان = وثالثهم اللي مبتلى بالفراقي
طير ٍ ليا غنـّى وغرّد بالالحان = أجاوبه من حر مافي عماقي
اجاوب السرحان يارجم ولهان = ليا وقت في مبداك والذيب واقي
وأصبحت أنا والذيب والطير صدقان = أهل محل وفيك مثل الطراقي
يارجم ياليتك معك قلب ولسان = تشقى مثل مانيب يارجم شاقي
وتحتار لو نبتك زبادي وريحان = يصبح صريم ويابسات السواقي

المشاركة الأصلية كتبت بواسطة صقر الغامدي (المشاركة 1067851) شاعر قوي وجزل وشاعر معنى من الطراز الأول من المتابعين للشاعر مرزوق المقاطي وسيكون له شأن كبير في المستقبل القريب باذن الله

المشاركة الأصلية كتبت بواسطة عبدالمجيد النفيعي (المشاركة 1067893) إن شالله يكون لبقعة ضوء حلقات معتدده ، وإن شالله تنتقي شعراء جديرين بماتقول ، سوف نتابع موضوعك بشجون , وراح يكون هذا بصمه خاصه لك في هذا المنتدى

المشاركة الأصلية كتبت بواسطة مرزوق حمدان العتيبي (المشاركة 1067905) .. شاعر قدير وجدير بهذا الاعتناء يالجوراسي لاهنت ...

المشاركة الأصلية كتبت بواسطة ولدعساف (المشاركة 1067913) .. أولاً : بيض الله وجهك يابن عاصم على ماتقدمه من جهد في منتديات الهيلا وبيض الله وجهك ع الفكره .. ثانياً : مرزوق المقاطي شاعر جــزل يعجبني في تركيبة أبياته وقوته الشعريه وعدم تراخيه مع الشعراء بغرض المصالح الشخصيه كما هو حاصل الأن .. ثالثاً : مرزوق المقاطي وسفر الدغيلبي هم أفضل شعراء عتيبه الشباب في ميادين المحاوره وأضيف لهم القثامي ووصل العطياني والشاعر الشاب محمد العازمي .. ,, و ختــآماً .. أقول لك شكراً على مواضيعك المتميزه :) !!