الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   اللي معه للعقد حل ٍ يحله (http://www.otaibah.net/m/showthread.php?t=113861)

سعود العصيمي 20-Aug-2010 12:31 PM

ابو ناااايف


ووجهك ابيض



يابن العم

فهيد مقعد الرويس 20-Aug-2010 05:01 PM

اقتباس:

المشاركة الأصلية كتبت بواسطة سعود العصيمي (المشاركة 1080479)
السلام عليكم ورحمة الله وبركاته
واسعد الله جميع اوقاتكم بمايحب ويرضاه.

للتواصل بهذا القسم اشارك معكم بهذه القصيدة


بسم الله الرحمن من طاري ابليس = اعوذ بالله من بليس وهلـّله
وابدا بفك مظرفات الطلاميس = من هيض صدرآ فكها مستوي اله.
من بعد مادقت عليه الهواجيس = ما يسترح له يوم واحد على الله.
كله من اسباب الليال المعابيس = اللي قمرها غايب ٍ من سما لّـه
اللي تهندس لك خبيث الهناديس = واتحولك فالقاع من راس فله
اللي بها عاش الثعل والمفاليس = واهل الوجيه المظلمة والمظله.
واهل الكفوف المروحه والهداريس = واهل الحسد واهل الفسد والمذله.
هموم قلبي من زمانه مراويس = لاراح هم حل هم محله.
وانا من اللي يعشقون النواميس = وابدي لها مبدا القمروالاهله.
وقتٍ عوج ويفرّغ الجيب والكيس = علة نحر ويزيد علتك عله.
ماعذّب الاّ محرقين المحاميس = اللي تصب الهيل من حلق دله
ضربهم فوق الوحل والتضاريس = واللي يدل الدرب عيا يدله.
وش السبب يامبعدين المراميس = اللي معه للعقد حل ٍ يحله.
علم ٍ بحر معاد ابه قيس ونقيس = على ماقالوا زوّد الطين بله.
من لااجتهد ثم كرس الجهد تكريس = درب المعالي والعلا ماوصله.
ماينفع الرجال حكي التماليس = كثر السوالف ماتسد الك خله.
والبني مايصلح على غير تأسيس = والخوف ما ينفع قلوب المذله.
للراى عرّيف ٍ وللحرب فريّس = والناس كلآ له مذاهب ومله.
وصلاة ربي عد حبر القراطيس = على نبيآ ماحصل منه زله.

صح لسانك

وعتلاشانك

يابوطايل

ابدعت لاهنت

تحيتي وتقديري

ابراهيم الجـــــذع 20-Aug-2010 06:17 PM

صح السانك يا ابو طايل

مبدع والشهاده فيك مجروحه

قصيده جزله من شاعر جزل

تقبل تحيتي وتقديري

ابن صنهوت 22-Aug-2010 12:23 AM

صح لسانك ياسعوووود مبدع

فايز بن سرحان الثبيتي 23-Aug-2010 11:56 AM

وانا من اللي يعشقون النواميـس
وابدي لهـا مبـدا القمروالاهلـه


كفو كفو يابوطايل عزالله انك راعيها "




صح لسانك لين ترضى ومن طول الغيبات جاب الغنايم "


الساعة الآن »02:01 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd