لا وآوجودي يامقام الزلاما = اللي يشرفني مجيه لياجيت
حفل الكريم ابن الرجال الكراما = اشيوخنا اللي تلحق الحي بالميت
أهل البيارق والعطف والجهاما = يوم الأمارة للرجال النعاتيت
ويوم البيارق في سمانا توما = وملحٍ يفتت صامل العظم تفتيت
ويوم الرصاص مكودٍ فالحزاما = وكل يقول ألصاحبه ويش سويت
عقب أدراج الخيل وصط العساما = يوم العزاوي فالليال الشلافيت
أدخيلهم في سدهم مايظاما = يا طالبه لا والله ألا تعنيت
أهل السيوف اللي تقص العظاما = وأهل الكرم والعز والجاه والصيت
ماهيب شيخة ختم ولا كلاما = شيخة صناديد الرجال الطواغيت
في ( روق ) قبلنه يحكم الاماما = وقبلن ما الاوضاع يخلط مع الزيت
وقبلنها تعطى الكفو والهلاما = في تالي الايام من خادم البيت
ثم جاك ماحتى يرد السلاما = أمير من ماكر ضعافه وابا الفيت
أنه وريث المجد وأهل الزعاما = ونجيته مسير عشا ماتعشيت
يامرحبا ترحيب قدر ومقاما = ترحيبةٍ توظي كما يوظي الليت
في حفل شيخٍ للمكارم وساما = ياليتني لبيت دعواه ياليت
عزالله أني ماعرفة الرخاما = ولا قد دعوني لا بتي ثم تخليت
أنا يا بن مسري علي الحراما = حاولت في ميلات الايام وأزريت
ولا الحشيم أليا دعوه الحشاما = يحضر قدر وأنا من القدر غنيت
وردتها ورد الركاب الحياما = اللي من المظما تبا الما على هيت
مشاعري في فرحتك ماتلاما = ياللي على كسب المراجل تربيت
أقبل تحياتي ومسك الختاما = لا لا غلاي وحشمتيلك ماغنيت