احسن الله عزاء الشاعر سلطان العرط المرشدي

والله يرحمه ابنه عماد ويغفر له ويسكنه فسيح جناته ،،،

قصيدة فيحان سلطان العرط رثاء في اخوه عماد سلطان العرط الله يرحمه
 

لو ان الي حيلة على رد الاقـدار=حطيت موتي قبـل موتـك بليلـه
اثر الزمن ياعمـاد جايـر ودوار=وانا معه ياعمـاد مملـك وسيلـه
يوم العزا ياعماد كني علـى نـار=يارب روحي مالها اليـوم حيلـه
فالمقبرة دمعي على الخد مـدرار=فالارض لو هو سال سيل مسيلـه
والله وربي منجين صاحب الغـار=لو خيرونـي فيـه لنـزل بديلـه
واسكن بقبره واتركه يسكن الـدار=لن الحيـاه بموتتـه ويـش هيلـه
هذا عضيدي فالزمن كـل مـادار=لامن قسى وقتـي عليـه اشتكيلـه
ماهمني فالوقت لوصـار ماصـار=مادام اخوي ووقفته لـي جزيلـه
واليوم قفى ماتـرك غيـر تذكـار=اكبـر مصيبـة فالحيـاه المهيلـه
يالله يامنزل من المـزن الامطـار=تجبر فؤادي كـل مذكـر رحيلـه
وتجعل له الفردوس مثون عن النار=مع النبي والرسل واهل الفضيلـه
وتجعل بقبره نور مع مد الانضـار=وتسقي ثرا قبره صدوق المخيلـه
وختامها ياعماد بدعـي فالاسحـار=ربـن كريـم ولايخيـب دخيـلـه
وياللي سمعت القول قولو بتكـرار=يرحمك ربـي يازبـون الجميلـه


الشاعر / فيحان بن سلطان العرط المرشدي

قصائد محزنه من شاعر قدير

رحم الله جميع موتى المسلمين

يقول الشاعر عبدالمعين بن ثعلي

أما وصلت الموت والا وصلني=بيني وبينه موعدن مانخليه

ويقول الشاعر عبدالله بن سبيل

ياناس ياويلي من الموت ويلاه=ياكيف بستانس وهو مقتفيني

يبا يعشيبي مجوع ضراياه=لو كان من قبلي سمين وبديني

اما قعد فالريع لين إني آطاه=والا قعدت ولازم إنه يجيني