انا من قباع الرياض فاستفسر عن عائلة القباع من عتيبة

اسرة القباع الكريمه اهل الرياض لا يمتون لقبيلة عتيبه باي صله اما اذا كان هناك اسر اخرى باسم القباع في مناطق اخرى فهذا شي ثاني .. و ما افتي فيه لاني ما اعرفهم

اما اسرة القباع اهل الرياض فهم اسره كريمه عريقه من اهل الرياض الاولين و أنا اعرفهم زين و اعرف احد ابناء هذه الاسره معرفه شخصيه وهم من الاسر الكريمه التي لا تنتمي لقبيله

من هذه الاسره ابن قباع (نسيت اسمه الاول) من بنايين الرياض المعروفين والذي قام ببناء معظم قصور الملوك و الامراء في وقته و على رأسها قصر المربع وكان معروف جدا عند اهل الرياض بهذا الشي
و كان هو المسؤول عن تثمين منفوحه و غيرها من المناطق ذيك الايام و يقولون الاولين اذا جا ابن قباع و معه (حبله المعقد) درينا ان فيه تثمين d:
و كان بعد قاضي يجونه المتخاصمين و مجبر وراعي نخل و بناي و يعالج الناس و كان محبوب عند هل الرياض و كانت مزرعته (اذا مانيب واهم انها الى الان موجوده جنوب الرياض) بمثابة مستشفى لاهل الرياض
و اذكر و انا صغير اذا رحنا انا و الوالد الله يطول عمره نزور بعض شيبانا الله يرحم الميت و يطول في عمر الحي في سلام و الشميسي و العود (احياءفي الديره) يوريني بيت كبير و يقول هذا بيت ابن قباع الله يرحمه ( يقولها بحزن و توجد )!

اتمنى اني افدتكم و ازلت الالتباس الي حصل
تحياتي للجميع

ان اتكلم عن قباع الذي يتمون للهيلا اود المعرفة عنهم

اخوي القباع اسأل رابطة الذب والدفاع عن نسب قبيلة عتيبة من الدخلاء ربما تجد لديهم جواب لسؤالك ؟

السلام عليكم
 

انا القباع من اهل الرياض نرجع صناع واصولنا ترجع الى بني مخزوم لاكن لانهتم بامور النسب في الزواج القباع اسرة عريقة بالرياض ولها تاريخ رغم انا صناع فمناسبين كبائر القبائل منهم الغامدي والخالدي والقحطاني والشمري والتميمي لاكن سؤالي لاني اعرف شخص من الدوامي يقول بان عائلة القباع بالداودمي تنتمي لكم وحبيت اتاكد هل هو تشابة اسماء ام اسم العائلة القباع ام اسم الجد القباع :):) واتمنى التواصل مع قباع الدوادمي

من قال ان القباع عتيبي جعله ياكل كبر القبعه لان اساسا خضيري من اهل الرياض

اخوي الغنصفر كل اناء بما فيه ينضج انا سئلت لاني متاكد بوجود عائلة تدعى القباع العتيبي وحبيت المعرفة وقباع الرباض نرجع لبني مخزوم والخضيري ليس بمسلم حقيقه كل اناء بما فيه ينضج والحمدلله على نعمه العقل والدين اهم مايفتخر به المرء والباقي زائل لاينفع المرء