موتري ماهمني ربح وخسارة = ماقنيتك غير لفجوج البراري
مركبك وحيازتك عندي تجارة = يوم بعض الناس تفكيره تجاري
مركب الشجعان ورجال الامارة = مرخصين المال مع حبه اجباري
زاهي(ن) لون ذهبيه مع حماره = وارد اليابان من نوع السفاري
لمشىء بالليل ثم ولع شعاره = قام يقنب مثل جيعان الضواري
مثل نجم(ن) لهوى يقدح شراره = يخلف اللي في ظلام الليل ساري
وان مشىء بالخط من بادي نهاره = مثل طير(ن) لاحق(ن) جول الحباري
وان مشىء بالارض ثم ركز غباره = في فيافي نجد عن شوف الحواري
شف بالي ياعذولي واختياره = رفقت الطيب ونفحات المساري
وعيد قلبي سجة الرجل بخضاره = لكساء نبت الحياء وجه الصحاري
وان طرالي صاحبي وارضه وداره = وقام في صدري يهيضن الطواري
ثم زهمته وانتهض رهن الاشارة = شيخ ماتعطيه يمنايه يساري