مدامك هواوي والهوى غاديً بك روح=ودوّر علاج يفيد في قلبك المجروح
وجروح الجسد سهله وصعبه جروح الروح=صلاتي وتسليمي على افضل عبادالله
الحلقه الاولى مضت يابن الحلال=مير الوعد فالحلقه اللي قادمه

هلا مرحبا بالشاعر الكبتن مناحي=ابا احلب منيحه يوم جت ضمن الامناحي
نناحي مع اهل الحب ما فاد المناحي=صلاتي وتسليمي على افضل عباد الله

الي يعرب من عمام ومن خوال=تلقى الشنب تالي زمانه جالمه

نريد العلوم تكون من جـد ماسيه=وندمس معانيها كذالك دماسيه
ولاني منيحه شف منيحه دماسيه=صلاتي وتسليمي على افضل عبادالله
القل مهو يالدماسي قل مال=القل فادنيا قليل الخاتمه

تبينا نسولف بس مانعرف الوضعا=تبي توضع الاوراق في درجها وضعا
واضن انك قريب من العشر والوضعا= صلاتي وتسليمي على افضل عباد الله

ياكثر لباس العمامه والعقال=لاكن بعض الناس وهيه حالمه

انا لادعاني شاعر اجاوب الداعي=وعيني على المبدع وقلبي للابداعي
وكلمتك هذي فاشله مالها داعي=صلاتي وتسليمي على افضل عبادالله
بعض السوالف ياعتابه ماتقال=واخير منها الرجل مايفتح فمه!!