فيه ذيب يالنفاعي وفي راسه قرون = ماني امكسر قرونه وتنبت ثانيه
انت في مخك عقل لكن امصيبك جنون = كيف تدخل مع بيوتٍ بلا بيبانيه

يالسميري جعلكم بعد هذي تنتهون=كيف ذيبٍ له قرونٍ بلا نيبانيه
ضعت فيها يالسميري لعلّك ما تهون=ليش نذنب فيك يالله عسا الغفرانيه

ليت في يدينك مرايه.. تعاين بالعيون = كان شفت الصدق ماقلت لي غلطانيه
انت لا من جبت لك علم ماحنا نخون = طحت من فوق الظلع باسفل الوديانيه