المشاركة الأصلية كتبت بواسطة ابو لمار (المشاركة 258792) ، ،، ،،، صح لسانك يابو نجر بانتظار المبد ع بعيد النظر ،،،، ،،، ،، ، متااااااااابع ،، ، تحياتي

المشاركة الأصلية كتبت بواسطة بناخي الايداء (المشاركة 258824) صح لسانك يابو نجر طاروق كايف وانا في صفك ولا يهون بعيد النظر

قوم يابعيد النظر وارتاح جنـب الشاذليـه=ثم اخذ فنجال دلّه تصطلي بيـن الدلالـي
انت رجّالٍ دليله مـا عـلاك ومـا عليّـه=والسيوف ارهاف والماقف يبا عز الرجالي

كيف أقوم أرتاح يا بو نجر دام النـار حيـه=ما آلتهى بالكيف راع السيف أبو زيد الهلالي
نعرض الاورق للقاضي وينظر فى القضيـه=مايصير الحلو مر ولايصيـر المـر حالـي

العلوم اكثار والدعوه بكرتون الهديـه=اوّلتها في بحرها وثانيتهـا بالخيالـي
كيف ضابط بالسريّه دايم ايجيب الخطيّه=مرةٍ فيني ومرّه جابها ابضيف الرجالي

ماضربك الا يديك ولاتعاين في يديه=أوّلتها وآخرتها وآنت يابو نجر غالي
ياالعتيبي نيّتي تغلب لها عشرين نيه=لو تهب إبك الصبا بكره تهب إبك العوالي

العصا في مقضبي واليوم انا اسوق المطيّه=والذهب ما ينشري لو كان بجنيه وريالي
قلتها يا صاحبي واثر الهوى شدد طميّه=وين ابن غانم وابو زيد الهلالي يالجمالي

يالعتيبي كل ما اوصيك غريت الوصيه=قمت تدنيها وتبنيها على الجرف الهيالي
آنت لوعندك مهر يمديك ضويت الصبيه=ماحذفت شماغك البسام حشمه للعقالي