المشاركة الأصلية كتبت بواسطة فـزاع (المشاركة 263507) ألك البقا ياسفير جذيع يالمنتظر=تبغى الوفاء ياوسيع العرف حنا هله دريت مار السحابه ماتهل المطر= رغم انها خيلت وثعولها مثعله

الكلمه اللي عليها النقص فاول سطر=قبيلتي بينه والاسم ماتجهله
احلل العينه في داخل المختبر =واقول فزاع فاته رمز فالمساله

المشاركة الأصلية كتبت بواسطة سفير الجذعان (المشاركة 263497) يامرحبا من هجوس (ن)مثل موج البحر=ترسل وفاء للوفي دايم وتستقبله عندي خبر ياوسيع المعرفه مختصر=عان المطيه تحن من امس ومعقله

ترى صلات العرب ياجمع ولا قصر=ماحاصل (ن) نقص باسمك ليش ماتقبله
ياراعي المختبر صفرين ولا صفر=اللي على خاطرك يابن النشاما قله

المشاركة الأصلية كتبت بواسطة سفير الجذعان (المشاركة 263515) الكلمه اللي عليها النقص فاول سطر=قبيلتي بينه والاسم ماتجهله احلل العينه في داخل المختبر =واقول فزاع فاته رمز فالمساله

انا احسب انك بعد علمك تسوق العذر=واثرك لو يقدم الجمر الحمر تاكله
كم علم ياصاحبي يمشي ببطن وظهر=وفزاع ياليته بحمله يقوم جمله

اعطيه علمي ويضربه بعرض الجدر=ان كان حاصل خطا فالعذر تستاهله
يالمسرع اللي تجاهل لوحة احذر خطر=راع الشداد المهول جاك من حوله