الطيبة للطيبين ولا تجي في كل سوق = وانا معك باخذ وبعطي فالسلع باثمانها
راعي الدسم ندفق على يمناه بالسمن الدفووق= هذا جزاء الاحسان واهل الخير تلقى احسانها

الطيبه لاصحابها وانا على الطيّب شفوق = واليا سمعنا الكلمه الزانه نبا برهانها
اقلط وعطنا السالفه ياراعي الوجه الطلوق = وادخل بيوت الناس يارجال مع بيبانها

الاولة راحت وهاك الثانيه كانك صدوق = لكن لا تربط يديها في طرف كرعانها
دامك طليق لسان رد السالفة قبل الشروق = اهل الفصاحة وش بها عادت على طرمانها