المشاركة الأصلية كتبت بواسطة مرزوق العتيبي (المشاركة 266070) ... . وعليكم السلام ورحمة الله وبركاته .. هلابك يالمسلم مرحبابك والليال اتدور =تراحيب الوفا والمعرفه من كل وجداني تفضل هات ماعندك وسامح كان فيه اقصور =ترانا نكرم الضــــيفان والجيران والعاني

نشوف اللي تشوفه ياكبير المعرفه والشور = ولاهيب بغريبه صايره من ماض الازماني
كثيرات المشاكل ماتجيك الا من المقهور = ضعيف ٍ شغلته تفريق بين افلان وفلاني

المشاركة الأصلية كتبت بواسطة مشهـور (المشاركة 266097) أقول أبك البقا ثم البقا يالشاعر الدكتور=من أهجوسن لها وصط الملاعب سرج وعناني أشوف النار تسرج فالوطن والمارتين تثور=ولا أدري وش سبب حرب الخليج وحرب لبناني

تراها زلت أحدود الادب مابين عمي وعور=ولا يسكت على بعض الدعاوي غير بلشاني
أجل وش دوركم ياهل المعرفه فالغبا والنور=معك سلطه معك هيبه معك خاتم سليماني

المشاركة الأصلية كتبت بواسطة مرزوق العتيبي (المشاركة 266116) نشوف اللي تشوفه ياكبير المعرفه والشور = ولاهيب بغريبه صايره من ماض الازماني كثيرات المشاكل ماتجيك الا من المقهور = ضعيف ٍ شغلته تفريق بين افلان وفلاني

حسب مانستطيع انقيم من دون المشاكل سور = ومن خالف طريق الحق فــ له السيف شاماني
على هذا الكلام انقول لك يا لاجودي مشكور = ولادري هو كلام اصحيب ولا هرج قوماني

ترى الحرب المسمى لليهود وحرب جوف الدور=وهاذي مشكله لا صار حربك بين الاخواني
تبا نقد العلوم اللي لها بين النشاما دور=مايجزع لك يامسلم من همومك رجل نصراني