ياهلا يامرحبا والرجل من عرفه وطيبه=مير هذا من مرارتها تحت حيد اللساني
قد عرفنا سبت الامطار والدنيا عجيبه=خصمك ذياب المسمى تعرفه يامودماني

الحلا ضد البلا والمُر ربي لا يجيبه=لا تعاينا بطبعك يافلان ابن فلاني!!
خابرينك ماتزل وزلتك هذي غريبه=مير هذي يالعتيبي من تهاويل الزماني!!

ادري أنك من كبار أثبيت ماحولك معيبه=حاجت(ن) ماهيب في سير الدقايق والثواني
مزحت العاقل مع العاقل توديه وتجيبه=مير عطنا سالفتك الاوله هاك الزماني

مانبى فوقك خلاف.. ولانبى فوقك غليبه=والشداد اعلى الجمل والسرج في ظهر الحصاني!!
المزوح الها حدود ..وغلطة العاقل مصيبه=مير خل ختامها ريحان ولاّ زعفراني..