ترحيبكم للضيف عاده وصارت = مضرب مثل للي يبي الطيب والجود
جيت لمحلي وخطوتي يوم سارت = للشامخ اللي مرسي القاع والنود
تو القريحه تو مابعد ثارة = مير الوعد قدام والخير موجود
هيلا بها الاخصام بلشة وحارت = في وقعت مابين طارد ومطرود
ساقو على نجد الضعن يوم جارة = وراحت فيافي نجد ملح وبارود
مافكرة في الطامنه واستشارة = ومن زودها ماتقنع الا على زود
والمعذره بأفكاري اللي تبارة = بقاف قصرته واختصرته ومحدود
وذا استدرت الها ويمي استدارت = قام يتخاضع جزلها غصب لسعود
تو الليالي تو مابعد طارت = والعود توه مابعد لامس العود
وبغير هيلانا بيوتي استخارة = عيب علي ان مازهت كل موجود