ترى الترحيب واجب للمسّلم خير ولا شر = وخلك في طريق الخير واهل الخير عاشرها
ليا منك زرعت اشعير في الموسم ماتحصد بر = انا ماني زبون لسلعة(ن) غشّاش تاجرها

فهمناها على الطاير وحتى قبل لاتشر = وخلك ياللبيب بسالفتنا لاتغادرها
انا ماباك في عيون الخصم تصغر ولا تكبر = اباك تصون ورث امطير ماضيها وحاضرها

ترى النمره غلط ماني عتيبي وارس فوق البر = انا ربعي ثقيف اللي كثيرات(ن) مفاخرها
بعد ضيعت مضمون المعاني وش تبا في الشقر = شقرت القاف تستعرض وخلق الله مقاشرها