كل جمره فوقها هلت رشاريش المخيله=ثم جاها السيل طامي شالها نو السحابه
انت ياسداح ليش تجيب لي تمره محيله=العتيبي مايشيل اللي محيله في زهابه

الشعيب ليا تحدر لاتوقف في مسيله=يشلع ازنوق العشيش ويهدم بيوت الخرابه
والله ان ماندور يالعتيبي لك جميله=وكل جسم يالعتيبي فوقه نفصّل ثيابه

المعاني قودها ياصاحبي مافيك حيلـه=خلها بيني وبينك واترك مطير وعتابه

الجبل ثابت مكانه غير ربك من يزيله= وانت اضنك من هواء نفسك تبا تغدي نهابه
بس انا ماني على كيفك هذا حملك وشيله=والعتيبي لحيته تكرم وعزه من شنابه