يامسافر وين سافرت لي وين؟=كان غازي خل غزوك على حرب وبلي
من حلايا الذيب نعرف حلايا ابا الحصين=وأنت لن جات الحلايا ترى مالك حلي

دربنا واحد ومعروف وافهم ياذهين=والمذاهب تختلف شافعي من حنبلي
لاتسوي ياصحيبي سوات ام القرين=العن الشيطان قدام ألقيك الخلي

ياقضاة الحق والحق سلم المسلمين=مايضيّع صاحب الحق والمخرج ملي
متضيّعه الليالي ترجّعه السنين=والنصر موجود في سيف ابو طالب علي

كان تبغا الحق حاضر ولا هوب ابعدين=ماتضيع احقوقكم يارفيع المنزلي
الزمان أيدور ويجور والقاسي يلين=مار أظنك عوبلي فالزمان العوبلي