هد من روعك شويه ماورى السرعه غنيمه=لاتنشّد عن علومٍ وجهها يشبه قفاها
من يجيك بعلم عن ريمان جاب علوم ريمه=مبتداها يالعصيمي مايباعد منتهاها

يابن عمي لاتجنبها الخطوط المستقيمه= اخشروني فالبضاعه بيعها والا شراها
منك نسمعها ومن غيرك نذب ابها الخريمه = لاتعديها سرها خلها تقضب سراها

انت رجالٍ فهيم ومن رياجيلٍ فهيمه=من ورد هداج ياسعود العصيمي ذاق ماها
اخذ من راس الشمالي كل دقه بتعليمه=لو ما بعض الدعاوي ودنا نكشف غطاها

والله انا ماكشفنا الستر عن وجه اليتيمه = والبروق الياتنحّت مايشوقنا سناها
لقمةٍ فيها طعم ولقمةٍ ماهي طعيمه = وانت داريني ياغير الطيبه ماقلط علاها