حمد بن جوباح

قلت لك انك ستحلها

وفعلا حليتها

وبيض الله وجهك يا بن جوباح

الحرمة اللي في كل ديرة تنلقي هي : محطة البانزين

وبناتها الكاين او طرمبات البانزين

والورع الاعمى اللي يسقي الكبود الضاميات : هو لي البانزين

من مر بالبنات ياخذ على شفه بدون مجاملات : بقدر نقودك تكون التعبئة

وبيض الله وجهك يا حمد بن جوباح

( بس اباك تعلمني انت والاخوة هل لغزي هذا على معنى و مزبوط ولا فيه ما فيه ؟؟

ابشر يا بن جوباح

والله يسلمك ويبارك فيك

اخي العزيز انت طلبت وجهت نضرنا

في الغز (وانا اقول الغز غير راكب)


تحياتي للجميع

هلا والله بعاشق الذوق

ياليتك اخوي تعلمني ليه ماهو راكب

فسر لي و وضح لي

يا عساك سالم

اخوي حامد انت تقول ( من مرهن ياخذ على شفه ولا عند البنات مجاملات)

معنى هذه الجمله واقصد معناها السائد والمعروف ) هو يعني كل من مر اطرمبة البنزيم اخذ ألي يبي ومشى ولا كن هذا ليس صحيح

وكذالك فيه تناقض في بيت الشعر (تقول ياخذ على شفه اي بمعنى ياخذ على كيفه ثم تعود وتقول ما عند البنات مجاملات ) ولا كن الصحيح هو لا احد يستطيع ان يأخذ على شفه طيب اجيب لك مثل بالعاميه لتوضيح ولكي تقنع) لو كنت انا ابغى املا ء تانكي السياره عشان توصلني
المكان ألي انا ابغاه بس ما معي فلوس تكفي معي الي يكفي نصف التانكي معناته ما اقدر اخذ على شفي او على كيفي او على هواي لها مسميات عديده والمعنى واحد) لذالك انا من وجهة نضري انه كان المفروض يوضع الغز بطرح افضل من هذا الطرح )وانت لا حضت الأخوان
لم يستطع احد منهم حل الغز بشكل فوري الاخ ألي جاب الحل جابه بعد ان رمع اكثر من ثلا ث رمعات عن طريق الصدفه وانا اول ما شفت لغزك طرا على بالي محطة البنزين ولا كن بيت الشعر إلي انا ذكرته لك جعلني استبعد الرمعه )

هذا وتقبل فائق تقديري وجل احترامي

وهذه وجهة نضر فقط شكرآ لك

المحطه ومكاين البنزيم ولي المكينه في جنبها تروي المواتر

يا هلابك ياعاشق ذوق

وحياك الله و بارك الله فيك

و اشكرك على وجهة نظرك

و اريد ابين وجهة نظري

التناقض اللي تقوله اخوي هو ما هو تناقض بل توصيف
لمعنيين واقعين

المعنى الاول ( من مرهن ياخذ على شفه ) اي يحدد ما يريده

ابغا نص التانكي ولا ربعه ولا على قد الفلوس

والمعنى الثاني ( ما عند البنات مجاملات ) اي اللي تطلبه

ولو كان عندهن مجاملات كان وانت ما معك فلوس الا اللي تكفي

نصف التانكي فللن لك الموتر لانهن يراعن ظروفك ...

فليست لديهن هذه المجاملات تطلب وعلى قد طلبك تتم التعبئة

وليس بين الوصفين ( تناقض ) بل ( تعاضد ) فقولي ( من مرهن ياخذ على شفه ) يعضد قولي ( ما عند البنات مجاملات ) في تحديد

الوصف الفعلي لطرمبة ومكينة البانزين


واسعدني توضيحك وابداء وجهة نظرك و اذا ما اقنعك قولي هذا فابشر

بايضاح اشد او انك تبشرني انت ومن يمر على الموضوع بهذا الايضاح

ولك ولهم جزيل الشكر و عظيم الامتنان

وبيض الله وجهك وما قصرت

حياك الله اخوي طلمس

وجزاك الله خير على التوضيح

وبارك الله فيك

وشكرا لمرورك