المشاركة الأصلية كتبت بواسطة عمرالروقي (المشاركة 342718) سلطان الجذع الله يشرف مقامك 000 000 ماني ضدك انا معك خخخخخ بس فالمحاوره ذي صرت في صف الفالح 00000000000000000000000000

وصلنا للمعالي وانت رايح في ذبيل كحيل=تراك انته طرف محسوب دايم ضمن الاطرافي
نحمّلك الحمول الجايره حتى ما عاد تشيل=و لا لك حيله الاّ تجلب اللي ما لها رافي

يقولون العرب ماتنفع الحيله بليا حيل =مع أهل الصنف لاتقعد تلم ارباع وانصافي
لو الوجه القبيح مع الزمن ينفع به التجميل =لقينا اوصاف معقوله بدل هذيك الاوصافي

علاك خيال سدّ خيال وانته تحت وبل السيل=لكنّ اصبر دقيقه لين حتّى يصفي الصافي
على الضلع القصيّر وقعنّ ثنتين يا ريجيل=اثر سلطان بالمكشوف ما يدري عن الخافي

نصيحه تزبن القاضي زبن وتحط له توكيل =ترى ماقفك يابو زيد ماهو ربع ميقافي
ترى بعض السوالف ناقصه ماتحمل التحليل = وانا ماالد عيني في بيوت نورها طافي