ونعم والله يابو بتال بالعصمه ومعالك من الحاقدين
العصمه لهم وزنهم وثقلهم في عتيبه من القدم
ولهم تاريخ في الحجاز لاينكره الا جاهل ولكن العتب على المؤرخين الذين لم يذكروا عتيبه في الحجاز الا بالنسب فقط ولم يعلموا ان جيش الشريف يتكون اغلبه من قبائل عتيبه وحموا الشريف اكثر من 600 سنه وعتيبه هي اساس جيش الشريف
ولهم معارك كثيره خاصه في تهامه لطلب الربيع فلم ينازعهم احد هناك

وعندي سئوال يالطيب عن امارة العصمه قديما
هل هي للامير الفارس طلمس العقيلي العصيمي وكان مشهور في الحجاز
ام للفارس ابن نفره

وتقبل مروري
الهيزع الجعيد

ونعم بيك وبربعك يالنفيعي
وتحياتي لك

الاخ محمد بن قميشه
الواضح انك فهمت الموضوع خطاء
الاخ اخو مرحبا ما جاء منه غير الطيب وانما انا اقصد احد الاعضاء وهو ( محمد المغيري ) الذي ما فتئ يحاول في كتاباته التقليل من قدر قبيلة العصمه والاخ ابو مرحبا رد عليه و ما كتبته هو تعقيب على رد ابو مرحبا وقد نسخت رد ابو مرحبا لان الموضوع الذي تم فيه التهجم على قبيلة العصمه من قبل العضو ( محمد المغيري ) مغلق وللاطلاع يمكنك مراجعة موضوع ( ماهي الدرمه )


تحياتي لك

ابو مرحبا هذا واجبنا ان نوضح فعول ربعنا والرد على من يحاول التقليل من قدرهم سواء عصمه او اي قبيله من قبائل عتيبه العزيزه على قلوبنا
ومثل ما قلت ما على عتيبه من الحساد والحاقدين

راعي هدامه
والنعم ابك وبعتيبه كلها وتسلم يالغالي

الاخ الهيزع
الفارس ابن نفراء ليس امير ولكن هو فارس شجاع وله الكثير من الفعول اللي تبيض الوجه وذو رأي حكيم وشاعر حماسي ووصفي وهو من فرسان العصمه وعتيبه الذين لا يشق لهم غبار وه من خامس النفارين العصمه

اما امارة العصمه قديما فهي للعقايله طلمس واجداده
وحاليا للعقايله والعلوات سوا لا نفرق بينهم فكلهم شيوخ وامراء وكلهم عينين في راس

ونعم في العقايله وفي العلوات وهم عينان في راس لا نفرق بينهم والله يوحد كلمتهم في خدمة القبيله

(( لسنا في حاجه للمهاترات والجدل فعتيبه يد واحده فكل لهومجد تليد ويكفي ابن عاصم اميرهم الراحل ((ابا العلا)) عند مالقبوة ابو البلا !! لاانه دفع روحه وماله دون فخذ من فخوذ عتيبه ايام الاخوان.. ولن ننسي (( اخو نوره الملك عبدالعزيز)) وهو يحل ضيف عليه . جمع ابا العلا كل عتيبه عنده ولم يميز احد دون الاخر . وقال ياخونوره زمن الجهل ولي وعتابه كلها محزمك وتحت امرك . ولم يقل العصمه ورد عليه اخو نوره والجميع يسمع وقال مقولته الشهيره (( الله يعز ملكي وسلطاني ماعزيت ديني وكل مسلم من ابناء شعبي والقوم يوؤممون .... رحم الله اخو نوره وابالعلا وكل رموز اعتيبةالهيلا... وادام الله نعمة الامن والامان في ظل ابومتعب وفي ظل سلطان ... ويجب الاحتراس والتروي لان هناك ياسنايدي من يقرا مابين السطور.. (( يانجر يالي جاي (ن )لك ملالاه.. وش فيك تفطر والعرب صايميني)) محبكم ((الهيلومالنفيعي العتيبي ))

اخوي الهيلوم

والله والنعم ومليون نعم بالعلوات شيوخنا وبالعقايله شيوخنا بعد (لا للتفرقه )

واضن اني فهمت مابين السطور فيما كتبت فلا تنساق وراء عواطفك وعليك ايضا بالاحتراس قبل ان توصي الناس

واتمنى ان لا تكون مقباس شر يا لهيلوم فما هو حاصل حاليا لا يحتاج الى زيادة حطب

فأنا كتبت ما كتبت لاني رأيت تعدي على قبيلتي في هذا المنتدى من قبل شخص نسب نفسه الى قبيله من عتيبه اكاد اجزم انها منه براء فلا تكن مثله يالهيلوم

واللي ما في راسه حميا لربعه ما فيه خير