يا صاحبي مسرعك تاقف على ســاق=قبلك رجال ٍ وقفوا بالزنــودي
ثم سقتهم بالدرب سوقات الاطــــــلاق=أحذر تراك موقف ٍ بالـردودي

ازريت تطلع كلمتك صابك ارهاق=وفلجت نفسك وانت مانت محدودي
سميت نفسك باسم معدوم ميثاق=ووصفت روحك يالغبي باليهودي

الظاهر انك صاير ٍ داخــــل ارواق=تمشي على جنبين وانته شــرودي
بعض الاسامي رايحه بس تبراق=فيها الحسد والرجس يتبع حـسودي

أثرك على ما قيل يا طاق طرباق=وشعرك على ما قيل ما فيه فودي
ترجي تبا رحمه تبا مني اعتاق=والحبل برقبتك تراه معقودي

خلك تهنفل دونها كل مـــزلاق=عدل بيوت البيت ويأ العمــودي
مالك كرامه فوقها حيل وارناق=خلك مريح حول ذيك العـدودي

طبعك على درب الردى دوم سباق=واصبحت لا حامد ولا انت محمودي
لكن تريح قبل تاتيك الاوراق=بالصفحه اللي مرصعه بالعقودي

دور خريمه واتبع الطاق بالطــاق=الملح ثاير والبلاء فالفــــرودي
وارقد وتصبح لين يبد ٍ الاشفـــاق=مادام جدك قارب ٍ من جدودي