الخطر من فوق راسك يامعجب لايزال = وش تسوي فالمخيله ووبل خيالها
جاك فارس يعرف الحرب ويعرف القتال = مايلد العين فالهينه واعيالها

الخطر للي تحيزم رموث من الحبال=وكل ماشاف السحابه بدا يبرالها
للحريب الموت ياصاحبي في كل حال=وام ورعٍ ليتها نايمه واشوالها

المشاركة الأصلية كتبت بواسطة بعيدالمدى (المشاركة 597090) معجب العتيبي صح لسانك يالغالي وبيض الله وجهك على هذه الفرصة السعيده ورانا صلاة الجمعه الختام عنك لاهنت تصبح على خير

بعيدالمدى

ياصباح الخير ياالحاضرين من الرجال = في حلالٍ عزها الله بعز رجالها
والتحية من ضميري لوافين الخصال = خير مانبداه والمقبلات بفالها

معجب العتيبي

ياصباح الخير ياشاعرٍ جاله مجال=في حلال عزها الله بفعل ابطالها
التحيه بالتحيه بوزنه واعتدال=وكل رجل يحسّب الكلمه اللي قالها

بعيدالمدى

بارك الله فيك واخذ الجواب من السؤال = صاحبك مثل الجمل حملته يشتالها
التحية ردها مرحبا في كل حال = وانت وشبك ليش نقصت من مكيالها

معجب العتيبي

الليالي بينه من قمرها والهلال=ياعسى الله ياعميلي يطيّب فالها
التحيه جاك منها مثل وبل الخيال=اقلط وعطني علومك وكيف احوالها

بعيدالمدى

مايبع ويشتري غير رجل براس مال= وانصرفت اجنيهها نصرف الك ريالها
مالقينا من علومك حرام ولا حلال = حيلة ترجع على من نوى يحتالها

معجب العتيبي

نشتري ونبيع دولار والا بالريال=كل عمله يابعيد المدى ببدالها
العلوم الطيبه طيبه يابن الحلال=والعلوم الثانيه حدها جهالها

بعيدالمدى

الخطر من فوق راسك يامعجب لايزال = وش تسوي فالمخيله ووبل خيالها
جاك فارس يعرف الحرب ويعرف القتال = مايلد العين فالهينه واعيالها

معجب العتيبي

الخطر للي تحيزم رموث من الحبال=وكل ماشاف السحابه بدا يبرالها
للحريب الموت ياصاحبي في كل حال=وام ورعٍ ليتها نايمه واشوالها