كان تبغانا نفتش في ملفات القضيه = مالكم فيها عمام ولالكم فيها خوالي
القضيه كلبوها مزحميه - مزحميه = وانت مالك من وراها لاجنيه ولاريالي

صح مالي فالقضية لاكثير ولا بليه = انت راعيها وانا في خاطري عنها سؤالي
اربط حزام الامان وهد فالسرعه شويه = وخلها ياصاحبي تحت العمامه والعقالي

الخطيه من رجال العرف ياشين الخطيه = الحقيقه مانويت اجرح كريمين السبالي
كان تبغى سرها ياصاحبي صبرك عليه = قدمك السيف الشطير وقدمك العد الزلالي

كيف كسّرت الشداد وكيف سرحت المطيه = وانت فعلك مايدير إلك الرشا فوق المحالي
سرها انك رحت تجزي راعي الحسنه بسيه = وانت عنده ضمن جنده مستريحٍ فالظلالي