سمّيت بالمعبود عن كل معبود=من خلق والّا ماصنعوه العبادي
إله الثنا والحمد والشكر ياسعود=اللي هدانا إلطريق الرشادي
من يهده الله مايغديّه ممرود=ومن لاهداه الله فلا إله هادي
والخير قطره غيث في قاع مجرود=والشر لفح مقتفيه البرادي
للي صبر واللي شكر مالك الجود=ومن يشكر الله طاب رزقه وزادي
ويالله وقفه قبل ينهشني الدود=كلمه لوجهك خالصه من فوادي
ياليلة شق القمر بعدك النود=لفى محمّل علم وقعه وكادي
إهتز عرش اللي على العرش محسود=ومن عقبها حرم عليه الرقادي
ليله سعيده نصرت البيض ع السود=نور تلاشى من وهجه السوادي
بمحمّد اللي من سجاياه محمود=بدر تجلّى في دجى الليل بادي