سعود العصيمي

سلام الله سلامٍ مثل جلاي الاظلام = سوات النور والنور جلاي الظلامي
تفضل يابو تركي وعطنا حمض الاعلام = مادام إن الك اسم مع كبيرين الاسامي

ناصر المرشدي

ما قول الا هلا عد من صلى ومن صام=على شان المسلم بعد رد السلامي
تخيّر لاتحيّر معك قدام قدام=مدامك مع هل الاوسمه شلت الوسامي

يدوم الك البقاء والعلوم البيض قدام = ونارك في حزامك وناري في حزامي
عليك البرق يبرق من القبله اليا الشام = وبكره يمكن تروح إبك غر الغمامي

يابو طايل ماتدري وش اتخفيه الايام=لو ان الغيب معروف ماجبنا الحرامي
مزون الصيف تستاقها من غرب الانسام=تعدا ماشرب من مطرها كل ضامي

علوم الغيب للي بعينه عنك مانام = لكنك لاتقدم طعام بلا يدامي
جملكم ياجهينه بغير شداد وخطام = وطاح ابحملته وانثنى معاد قامي