صح لسانك ولاهنت مالقيت الا اني اقتبسها كلها
وافيه يالوافي
كفووووو

رفـيـقـي الـطـيـب ألـيــا صـــد انــاديــه
بالـصـوت كـلـه لـيـن يسـمـع مـنـاداي
وان كـان جاوبـنـي عـسـى الله يحيـيـه
اقـوم لـه حشمـه واحـط الــه مـركـاي
وان كانه اوحى الصوت مـا قـال لبيـه
كـنـه يـقـول انــه يـبـى الـيـوم فـرقـاي
اقفـي مثـل مـا اقـفـى ولانــي براجـيـه
من باعني وشلون اصيـر الـه شـراي
خـلــه عـلــى كـيـفـه وعـقـلـه يـقـديــه
يبـى يحصـل مــن يـوافـق لــه الــراي
وحـقـه علـيـه كــل مـــا حـــل طـاريــه
ذكره بخيـر ولا افـرح اعـداه واعـداي
لو كان يبقى الجرح ما احد(ن) يداويه
اصـبـر ولا اشـكـي غـيــر لله مـــولاي
ولا خــاب مــن يـرفـع يديـنـه لـوالـيـه
وانــا لغـيـر الله مــا ابـديــت شـكــواي
وختامـهـا درس(ن) زمـانـي عطـانـيـه
منه استفيد ان عشت في وقتي الجاي

بيض الله وجهك على الابيات الجزل ومن شاعر جزل

لك تحياتي

صـــح لسآنك ياسلطان . ياجعل ابيك وامك للجنّة . ابيات قمة في الابداع.