على وسق جيبٍ كنـه الريمـي المذعـور=رفعنـا الهجينـي يـوم فوقـه تـوازنـا
انا والزميـل منيـف والمنهـي المامـور=دِعِينـا وأجبْنـا لابوسلـمـان واذعـنـا
بعد مافهـق صلبـوخ بـادرت بالميسـور=نغني بيوتٍ مـن قصيـدٍ ماهـوب النـا
وابو بدر جاوبنا ولا بـان منـه قصـور=ثلاثـه ورابعـنـا رفــض لايعـاونـا
وابو بدر مثل مقـدي الخـور بالمقهـور=ليـا شافنـا تهنـا الطريـقـه تماكـنـا
ويقول انت قدامـي وانـا دوب بالناظـور=أشوفه وهـو قدمـي علـى مثـل ماكنـا
لاشك الرهـا ماحـط للشـك عنـده دور=عقيـدٍ لحالـه ماغـزا معـك يامهـنـا
هو الشاعر الكابر وانا الشاعـر المكبـور=وكلام الصراحـه مـن كمالـت مراجلنـا
لو الشعر له لجنـة عدالـه ولـه دستـور=لابوبـدر جــزلات الجـوايـز تعـدنـا
لاشك نحمد ربي على وضعنـا المستـور=لجـان القصايـد مثـل لجنـة مزايـنـا
ارى شعر بعض الناس رشٍ بـدون انـذور=الـى مـره العاصـوف شالـه ولا ثـنـا
على جرته تلقا وسـاع الفجـوج ادهـور=اليا جـاء الفيـاض الضاميـه ماسقاهنـا
كلامٍ رخيصٍ لـو يصفّـق لـه الجمهـور=ولـو شجّعـه مـاراح مـنـا ولا مـنـا
يحور ويدور بفكرته مايجـي المحضـور=عـن المنهـج المعتـاد ماهـون ومثـنـا
نجامل ولا نشره على العمي هن والعـور=اليا مارضن اللـي قبلنـا كيـف يرضنـا
ومزار الحويفي نعتلي بـه خشـوم القـور=وعلـى ضلـع ابـان ومـا تبيـّن تبينـا
هشاشٍ بشـاشٍ كـل ماحصّلـه مدمـور=ودماره علـى الخرفـان والهيـل والبنـا
عسى اللي سواته من صدوف الدهر ماجور=ويـمـد بحيـاتـه ويحمـانـا ويمّـنـا
يابو بدر ماعني وعن صاحبـي مذخـور=تعجرف علينـا وانـت بالطيـب ضامنـا
انا والشويب كلنا فـي رضـاك حضـور=نجاملـك وانتـه ياجـب انـك تجاملـنـا
نقدّرك ونرّاعيـك ونـرد لـك بالشـور=ومدامـك علـى هالحـال لاعـاد تامنـا

تعلّيت مرقابٍ صعيب على الرقّاي= هبوب الصبا تسهج ركونه زوابعها
بديته ضحى وكهابة الغاربة مضواي=أدوّر ذهيبٍ صاحبي ضم ضايعها
شفاتي بوضحٍ كنها وضح ابن عصّاي=خيارٍ محمد قد عزل من قرايعها
وتعيّفت من محوال رجلي ومن مرقاي=وطلبت الدلال وحضّروا لي توابعها
بدون الثلاث الغايبة مايقوم بناي=ثلاثٍ خوات مجاوب الذيب رابعها
ثلاثٍ من الرسلان رابعهن العوّاي=على جال صلو النار ترخي مخاذعها
وتحايلت شردٍ بين الإرباع والاثناي=محمد بوسمه يوم ياسم مروّعها
غفالٍ ثمنها ينثني دونها الشرّاي=لها قيمةٍ ما كل شرّاي يدفعها
عسى الله يابن زايد يخطريك شر دعاي= على حرث نارٍ فيّ ودّك تولعها
بوجدك على ليلاك ذكّرتني ليلاي=وجرحت لك روحٍ مايهمّك تجزّعها
تشكّى وانا قلبي صخيفٍ معَ الشكّاي=بشكوى غرامٍ بيّناتٍ دوافعها
وانا يامحمّد من ثمان إسْنوات وجاي=جميع الشكاوي قبل شكواك مانعها
بعد ماطويت من الموارد طويل رشاي=والافلام الاولى سامحٍ من متابعها
نبشت المشاعر لين جاء عندها نوناي=وهي هاجعٍ قدّام شكواك هاجعها
تهب الهبايب بالغرايب بدون رضاي=وانا كل شكوى الحب ماودّي اسمعها
لحيث إحتواي الحلّ ماهوب في مخباي=وهوج الرياح العاتية من يصارعها
عسى اللي على قلبك مساويةٍ العرقاي=تزيد الطعون اللي ضمايرك توجعها
اليا شفتها تومي بقلبك هاذيك أوماي=أبارك واقول الحق معها واشجّعها
ولو اعرف عربها كان بشرح لها دعواي=عساها تلمّس لاقرب الطرق واسنعها
عيون الوحيش اللي يتاوق على الهوهاي=على اقصى التّلاع اللي تعلّق مفارعها
اليا كوبر الحفّال يدلي عليه إدلاي=بكفٍّ معاليق الدواغر تمزّعها
ولو عرّضوها اللي لها بالسماء غلواي=تلاشى مسافتها اليا قام يذرعها
على كف شيخٍ جاه مِهْداً عليه إهداي=ابو تركي اللي راية الطيب رافعها
سلالة شيوخٍ مايهابون قطع النّاي=شيوخٍ سلاح الحق ماهوب يمنعها
شيوخٍ يبدّون القِعِيدة على الضوّاي=واهل رايةٍ مايقدر أحدٍ ينازعها
والا يامحمّد كان قصدك تبي فتواي=توقّع ونفسك فالهوى لا تطاوعها
اليا شفت غيداً عودها فوق مثل الياي=يشابه زقار الكنت اطاريف اصابعها
لها هرجةٍ تحيي هشيم الهميد حياي=ولها شيمةٍ عن طامن الحكي ترفعها

ياحي عـذب القيـل ياحـي ياحـي=المهنة اللـي قـل مـن يمتهنهـا
اقفال ما يدخل على اسرارها عـي=اللـي يخبـز السالفـة ويعجنـهـا
جواهـرٍ قلبتهـا بـيـن أيــادي=وعجبت فاللي مع بعضهـا قرنهـا
واللـي تبناهـا وموضوعهـا نـي=واللي على افضل ما يناسب وزنهـا
جتني وانا غربي دراويـش وهبـي=في ديرة جعـل الغشيـن ايغشنهـا
مثل الهنوف اللي عليها اجمل الزي=اللي مشاحن جيلهـا مـا شحنهـا
حيث ان الاولى هي والفايزة هـي=ولا قد وخذ عند المراهـن رهنهـا
وعنها نشدني واحـد مـن بنيخـي=قلت انشدوا عنها مديـر امخزنهـا
لابن زويبـن فوقهـا طابـع حـي=ويكفي كتابة رمزهـا عـن علنهـا
ولا ادري تسمى هند والا اسمها مي=والا تسمى باسمها اللـي ضمنهـا
عند المواجه يـوم حلـت حوالـي=حبيـت منهـا مابـدا مـن لدنهـا
ويوم المليحة حركت لـي طـواري=من حسن جوهرها وطيب امعدنهـا
نويت اجاريها لـو اقـدام رجلـي=حفيا وهي يتعب مجـارى ضعنهـا
ولديت اشوف اللي بقى في مخابـي=واللي بوسمه صاحبي مـا سجنهـا
وإلا سميـي لاوٍ أرسانهـا لــي=لين اذعنت له طايعة مـا شطنهـا
طرايف من مـآردٍ عـذب ورهـي=ما هو همـاج كـل كبـدٍ وسنهـا
المآرد اللي يكتفـى منـه بشـوي=مثل الدوا لا جـاء فتـوقٍ وشنهـا
لا صار عذبٍ ماه ورهـي ورخـي=بصر العدود مهلكـة مـن قطنهـا

وعقب ارتفع من فوقهن نوخن طوع=وجاهن مجى مثل جية دباسي
وطقه ليا هو من ورا ما قعه بوع=ومنولن خربك براسه عطاسي
وقع وأخذ من داغر الخرب قرطوع=كنك من الترياق مسقيه كاسي

يا مل قلب يلوعه لايع الفرقا=كما يلوع الحمام الورق شيهانه
لا حولن حولت وليا رقن ترقا=متعليتهن وهي حدمة وجيعانه
على عشير نحى مع روق عن برقا=عليه عيني بصافي الدمع غرقانه
أبو ثمان رهاف ودقة زرقا=موتي ولا صدته عني وهجرانه

يا بدر لو تترك توال الصقاره=منتب على تالي الصقارة بملزوم
خل الولع لمذبحين الوباره=والضب صار لهم عدو من القوم

يا مل قلب يلوعه بالهوى لايع=لوع الوحش للطيار ليا ارتفع فوقه
خرشاً ترب الهضاب اللي ورا النايع=من خلفته ما هوت رجلينه سبوقه

طول الجدار وقصرة الرجل نوماس=لا صار ما للرجال داع دعاها

دار العويضي دار عدمين الأجناس=يا عيد أهل هجن تخافن كلاها
كم طوعوا من عايل عايم الراس=يجي ويرجع حاجته ما قضاها

مشيي مع شعاب العبل في يدي فاس=خير من.. ومشروب ماها
وطول الجدار وقصرة الرجال نوماس=لا صار ما للرجال داع دعاها

اتقبل واطلب الله بهفيه=تودع المجزي من النفد ينجالي

هبوب تخج القلب من قد خيبر=هبوب تحد الشمس عن مغبيها
تراها هبوب الوقت يا جاهل بها=يقوله اللي قبلنا يغتدى بها

أول نجوم القيض غراً لكنها=مراغة بزواً عند باب المجحرة

وجد راعي هجمة طلعة الجوزا ضياع=انثنى دوارها يوم بار به الصميل

جيشه مرازيم وصغاره يحنني=حنن وحاديهن المرزم وملهابه

لا دقت الوسطى الابهام تذكروا=عصر مضى يا مال فرقا الشمايل

ويمنى بلا يسرى تراها ضعيفة=ورجل بلا ربع على الغبن صبار

إن كان ما تفزع اليمنى ليسراها=فاعرف إن ماوطا هاذيك واطيها

أنشدوا عن ميس توت وعلموني=هي حلال من الدبش وإلا حرامي
ليتكم في وسط داره تنزلوني=عن سموم القيض في روس الجبالي

شدوا متيهة الدبش ترث حلاف=دن الرحيـل ونوهوا بالمحالي
يازين زم ضعونهم تتلى الأسلاف=واستجنبوا قب سوات السيالي
خلوا هوانا واتبعوا حم الاشعاف=حرز لها من ناقـضين العمالي
ياما رعوا من فاطر نيها ارداف=في مربع ماسـوم اول وتالي
وكم من عقيد هابها عقب ما شاف=ومهبـلين ضـدهم بالفعالي
يتلون شيـخ للمناعير عسـاف=لا جالها في صحصح اجـتوالي
ياليتني بالذكر ماصرت عـراف=أيضا ولا شامجتهم بالـمجالي
لا جيت مجلسهم تقل دولة اشراف=وتلقى شرايعهم شروع الشمالي
يا ما قنوا من كاعب مالها اوصاف=ما حصلوها مكـثرين الريالي

يالله يامنشي السحاب المراجيم=طالبك يم مصدّه إنك تصدّه
ياخذ ليالي ممطره كلها ديم=سيله حقاق وكل عقمٍ يهدّه
على الهضاب الراسيات الشغاميم=وكل العبال اللي بحدوى مصدّه
وتزود حول اللي عليها المراسيم=شامه بخد النايفة يوم أعدّه
والعشب عقبه ماحسب للأناسيم=لجاء الصباح تشوف زوده ومدّه
تشبع بها صفرٍ وعفر ومجاهيم=واهل الدبش ينسون جور المكدّه
ديرة رجالٍ دايما بالمقاديم=من هدي خلاق السماء مستمدّه
رجّالهم للمرجلة دايم مقيم=يبحث عن الجزلة ولاهي تسدّه
يرخص حياته بالملاقى اليا سيم=إن قابله وإن كان بيكون نِدّه
لجاهم الطرقي بلش بالعوازيم=كلٍ اليا سلّم على الضيف شدّه
والطيب فيهم مايبي زود تعليم=وهبه من الرزّاق محدٍ يردّه
جعل الدويلة عزّها دايم مقيم=في ظل من بالجود ماشفت قدّه
والشيخ بن جامع له زود تكريم=حب ووفاء وضد منهو يضدّه
وقبلي بها صعينين غنّا ولا لِيم= وراعي تهامة باح مكنون سدّه
بآخذ مع الظفران بعض الأقاسيم=واثني على أهل الطيب واهل المودّة
وصلاة ربي مع تحيّة وتسليم=على مبيّن شرع ربي وحدّه

مر السحاب وكل عين تراعيه=رعده يصيح وبارقه ما استراحي
كل يروف له وكل يناديه=وقامت على وبله نيام البراحي
فزت على شوفه عطاشى صحاريه=وصم الصفا اللي من عنا الوقت طاحي
كل بدت تحيا بشوفه امانيه=والليل يستبشر قدوم الصباحي
حتى معاويد السواني تناجيه=شامت لبراقه رقاب الطياحي
أرخى هماليله وزاد الرجا فيه=وكل تعشم فالشراب القراحي
وقدام لا يمطر ويسقي ظواميه=هب الهبوب وفرقته الرياحي
الله وكبر ضيع الحلم راجيه=ودر الغمام اللي على الخد ساحي
وكل رجع في همه اللي يعانيه=وكسر الجناح ولا بقا لو جناحي
أخيرهم من كن حزنه بخافيه=هذا يصيح وذاك زاد النواحي
واللي نظر في حال غيره يعزيه=الحلم ضاع وزودن الجراحي
كل بكا لحظة فراقه لغاليه=يكود أنا ما دمع عيني سلاحي
أصبر ونا قلبي به النار تكويه=وخطي عليه ولا طلبت السماحي
مانيب من يطرد سراب ويرجيه=أموت وحيا ما رجيت الضحاحي
ألا ليا نامت يديني بياديه=دمي يحلل له وذبحي مباحي
قلبي رماح الود ما هيب تخطيه=ويا حبني لطعون هاك الرماحي
رجاي فلي مابعد خاب راج=مده ولا مد اليدين الشحاحي

جبرني على الفرقا زماني وقلبي هـش=ونا لو نسيت اللي جبرني على الفرقـا
ألد النظر يم الشجر كودي ألقـا عـش=وتكسر ضلوعي كل ماناحـت الورقـا
أحس إنها تبكي على شيء ما ينخـش=حسافه على رجم لهـا كايـد المرقـا
تمايل مع الأغصان ما عاد تجمع قـش=وتوجد لو إن الوجد ما يحيـي الغرقـا
تخيل البروق وقسمها من سحابـه رش=وتبي اللي على وضح النقا ما تبا الدرقا
لك الله عيون دمعهـا للوفـا مـا نـش=لو الذكريات الماضيـه طعنـة زرقـا
ونا لو شكيت من الليالي بصوت جـش=ما توحيني اللي للمشاريـه مـا ترقـا
يقدر ظروفي واحد مـا بقلبـه غـش=وتضاحك خشاش الأرض وقلوبها حرقا
ولا ياغريب الدار والجرح مـا ينبـش=مهيب الجروح اللي من الجادل الطرقا
لا والله طعون دمعها وبل مـا ينمـش=ولا هيب تشكى ألا على طيب العرقـا
عليه السلام ودام تقـدر تمشـي مـش=وحي يبـي فرقـاك حـي الله الفرقـا