|
السلام عليكم ورحمة الله وبركاته- المعلومات التي يتم تداولها بين المشاركين ان شاء الله تكون مجديه وصحيحه وتوجد عندي بعض النقاط اريد توضيحها للعضو المشارك غلاب وهو عضو مجتهد بتوضيح من عاش من العتبان في الاحساء وخاصه اعيال عمه من الهوارنه --- اول شي لاتوجد روايه موثقه عن ماحصل بين الشريف والهوارنه مما ادى لنزوحهم من الحجاز الى الاحساء توجد روايات كثيره يتم تداولها - علما ان اكثر القبائل عندهم نفس ماحصل بين الهوارنه وبعض فخوذ اعتيبه من مشاكل مع الشريف --- ذكرت بأن الحويدر فنوا وعصبوهم الفطيم فهذا غير صحيح لان احفاد الحويدر موجودين في الجبيل صقر بن حويدر الهراني واخوه عبدالله وابنا ءه --- اما نسبك الشيخ عيدالله بن علوش بأنه وارث بنتا واحده هي ام محمد الصويلح فهذا غير صحيح لان ام محمد الصويلح الهراني هي بنت طاحوس ابا العلا وخوالها الهوارنه ---
|
اقتباس:
|
السلام عليكم عصيم العز - تحياتي حسب ماطلبته في الخاص من معلومات --- اسمها منيره بنت طاحوس ابا العلا - وكان ابوها الشيخ طاحوس نزل الاحساء مع 40 من جماعته واستوطن مع العتبان وناسب الهوارنه ((عائله يطلق عليها الشهاب وهم الان موجودين في الهفوف )) وانجب بنت تزوجها صالح بن محمد بن صويلح الهراني المقاطي وانجب منها ولد وبنت
وقد كان اخوها الشيخ عبدالله يزورها في الاحساء بأستمرار ومن مواقفه اذا جاء لز يارة اخته يمكث ثلاثة ايام مايتكلم ودوله يمشي بين الجماعه وبعد ثلاثة ايام يتكلم لانه كان يعتقد بأن من يسكن في الاحساء له علاقه مع الشيعه ( مرابصين مع الشيعه) وهذي من الموا قف الطيبه لانه كان من الاخوان --- |
اقتباس:
اخوي الاد عاصم ارجو انك تقرا الموضوع مرة اخرى وسترى اني قلت ان ابناء رشود اللي ذكرتهم بالكويت والاخ الهراني ما قصر في رده ووضح ان الرشود بالكويت ... |
اخوي شقردي نجد حياك الله وما عليك زود
|
اخوي الهراني بيض الله وجهك وما قصرت وانا اشهد انك كفيت ووفيت وما عليك زود يا ولد العم
|
اخوي انا الود حياك الله وعذرني على التأخير.. بالفعل كما ذكر اخوي الهراني كلنا نكتب بالبطاقة العتيبي ونفتخر بذلك
|
الخوي الهراني مساك الله بالخير ... الصراحة انت ما قصرت بالردود وبيض الله وجهك وكل ما ذكرت صحيح تماما ... لكن اعذني على تأخيري بالرد لاني كما ذكرت ما كانت عندي اي وسيلة اتصال بالنت في الفترة السابقة...
|
اخوي عبدالرحمن الهيلوم حياك الله وهذا اقل من الواجب اللي علي
|
اقتباس:
وكيف صحته عساه بخير .. والجماعة عساهم طيبين... على الرغم من المعلومات اللي ذكرتها انا بالموضوع الا اني لا استغني عنكم وعن مساعدتكم... والشكر الجزيل موصول لكم و تكفى بلغ العم صالح السلام ... |
السلام عليكم ورحمة الله وبركاته أخوي غلاب أشكرك على أجتهااادك فالموضوع...وفعلا معلومات قيمه ولكن لدي أضافه بسيطه..وحديثك عن العصمه بغض النظر عما ذكرت من فنائهم..إلا أنني وبحكم أني من هذه القبيله ومن سكان الأحساء.. العصمه متواجدين بكثره في هذه المدينه أن لم يكونوا الأكثريه... لإن النفعه والمقطه والروسان والدعاجين والرووقه...كثر وعسا الله مايجمعنا ألا على طاعته الكثير ممن أعرفهم بل أعمامي وأبناء عمومتي الواقفين..قطنوا في الأحساء مما يقارب الخمسين سنه.. وقد قطنوا أغلبهم في مدينة الرقيقة في الهفوف.. وكانت مدينة (محاسن)التابعة للمبرز..كما يقولون((خلا خالي..))يعني بر وبدوا يبنون في هذه المنطقه (محاسن) وكونوا حارة معروووفه تسمى حارة العصمه.. على خط عين النجم.. وكلهم روسه من الشفعان..ويوجد بالقرب منهم عصمه من الحسينات.. وقد سكن كذلك في نفس المحيط عتبان من برقا وروق.. وبعيداً عن العصمه فالمبرز...لاننسى الجعادين من العصمه..وأغلبهم في الصيهد والرقيقه.. التابعه للهفوف.. ولازالت الصيفيه فرصه للتواجد في مدينة الدوادمي..وتكون المنطقه شبه خاليه أما بالنسبه..للمنطقه التي تسمت بأسم العتبان التابعه للمبرز.. فأعتقد أنها لاتحوي حالياً بيوت عتبان إلا قله قليله..للظروف الطبيعيه للأنسان سواءاً تنقل أو وفاة المنيه وأعتقد أنها مثل ماذكرت تعد على الأصابع.. الشيء الآخر الذي بودي توضيحه.. أن العتبان الذين قطنوا المنطقه..تسموا بأسماء..لانعرفها كجيل آخر وليست ضمن الأفخاذ مثل المثيني..لم أعلم إلا قبل أشهر بأنهم من الهيلا..من دون قصور فيهم.. وكذلك منطقة العتبان..أغلبها كما أعرف حاليا من الروافض وأذكر لك أنني قابلت شباب من هذه المنطقه..ويشهد الله بأني لم أتوقع أنهم عتبااان أي أنهم تطبعوا بطباااع أهل الأحساء سواءاً فالزي أو الهيئه و كذلك أسلوب الكلام الذي غلبت عليه الحساااويه.. أم خصال الرجل العتيبي من كرم وحميه وغيرها..فالحق يقال بأنني لم أجربهم.. وكلن فيه طيبه من ردااه.. على كل حال.. لاتزال الأحساء برأيي من أكبر المدن التي تجمع القبائل.. ولكن لاتزال هناااك فكره سائده بأن الأحساء مدينة صغيره شريحة الروافض تطغى عليها وأن كل مافيها حساوي...أي لهجته والصحيح.. أن الأحساء...يوجد بها روافض كثر ولكن لا أعتقد أنهم يطغون على الحضر..الحساويه..البدو فهناك محاسن والعيون والرقيقه والسلمانيه والعزيزيه والخالديه والصيهد والكلابيه والمقدام والجفر واللويزيه المعلمين الغربيه الشرقيه..<<ليست مرتبه حسب موقعها الجغرافي فأعذرونا وللمعلوميه هذه تعتبر المدينه..و95 فالميه من سكانها كلهم من أهل السنه والجماعه.. والشريحة الأكبر من الشيعه الروافض..يقطنون القرى...تغلب عليها المزارع والطرق المؤديه لها بين الخيل والصروووف الصحيه.. والأهم أن البدو طغت لهجتهم على الجميع...وأصبح أهل الأحساء يحاولون التبدون بأسلوب الكلام.. ولاتنقصهم الشهامه..وسعة الصدر..أبراءاً للذمه أعتقد أنني أطلت عليكم وأسهبت فالحديث.. ولكن العنووان يشد للحديث عن هذه المدينه الهادئه..وعن العتبان الذي يقطنونها وخصوصاً المبرز.. أرجوا معذرتي إذا حصل خطأ..فهو غير مقصود... أكرر شكري لك أخوي غلاب..ولاهنت على فتح باب المبادره للحديث تقبلوا فائق المودة وخالص الإحترام محبكم عتـــ بلجيك ـــيبة |
مشكور غلاب والله لا يهينك على المعلومات عن أبناء العمومة
|
شكرا على الموضوع الرائع
|
مشكور اخوي وما قصرت موضوع رائع تشكر عليه
تحياتي |
السلام عليكم ورحمة الله وبركاته...........وصباح الخير للأخوه الأعضاء والقراء
أخوي ( عتـ بلجيك ـــــيبه ) موضوعك جميل جداً ولكن العصمه الذين نتحدث عنهم ليسو ( الشفعان) أو غيرهم. الذين ذكرهم الأخ ( غلاب) الطوال من العمريه من العصمه وليسو الذين يسكنون الرقيقه او السلمانيه او محاسن لانهم لم يسكنو في ( حارة العتبان) اللتي بالمبرز وأنا جداني من اللي سكنو هذا الحي قبل 40 سنه ولكن بحكم الطفره الناس بدات تطلع من هذا الحي وبدات بالذهاب للرياض او الدمام مثل ما تفضلت انتم جيتو للحساء وبالنسبه لحي العتبان لا يقطنه اي عتيبي الان ولكن أملاكهم موجوده من بيوت وعمائر ان كانو (مقطه) او (عصمه) او (روقه) او (نفعه) او( دغالبه) وبالنسبه للعتبان الذين رئيتهم هناك لا اعلم منهم... ولكن استغرب عندما قلت ( الزي)..؟ هل أهل الشرقيه يلبسون غير الثوب والشماغ..؟ وبالنسبه ( لعائلة المثيني) لا يوجد شيء اسمه عائلة المثيني لانهم ليسو بعائله ولكن يعرفون بهذا الاسم بحكم اسم جدهم او ابيهم وعيال مثيني العتيبي...؟ اول مره تعرف انهم من الهيلا..؟ مع انهم من أوائل من سكن محاسن!!! وحسب ما ذكرت انت من نفس الحي..؟ وبالنسبه لهذا الموضوع : أتمنى من الأخوه الأعضاء عدم كتابة أي رد الا اذا كان ذا درايه بهذا الحي. والسبب ان بعض ( الجرايد) وبعض (الباحثين) بداء بالكتابه عنه ويريد ان يطمس اسم العتبان المئسسون لهذا الحي. _ جريدة اليوم............................................. ... كتبت عنه مرتين _ جريدة الرياض........................................... كتبت عنه مره الباحثون: -الشباط -الموسى -القداح |
مشكور غلاب والله لا يهينك على المعلومات عن أبناء العمومة
|
مشكور يالغالي ماااقصرت ..
|
السلام عليكم ورحمة الله وبركاته
مشكور وما قصررت على موضوعك الرائع |
مشكووووووووووور
ولاهنة وبيض الله وجهك |
وطبعا ما ننسى عائلة الصالح التي نزحت من الدرعية عام عام 1233هجرية الموافق 1818ميلادي بعد سقوط الدرعية على يد ابراهيم باشا وكان قد استشهد فيها سيف بن صالح من ذوي صالح الشيباني من عيال منصور من برقا من عتيبة من هوازن وكان استشهاده بنفس يوم استشهاد الفارس غصاب بن شرعان الأسعدي الروقي من عتيبه من هوازن رحمهما الله ، وكان قد نزح الى حي العتبان في المبرز لدى جماعتهم ابن سيف صالح الذي تنسب اليه اسرة الصالح ومنهم من هاجر الى الكويت والزبير وهم اليوم اسرة كبيرة في المبرز والهفوف والخبر والرياض.
|
اقتباس:
معلومه جديده شكرا لك |
معلومات قيمه شاكر لك اخوي
|
ولله ونعم و يعطيك العافيه
كعادتك مميز بطرحك لك مني جزيل الشكر .. |
والنعم فيهم ومشكورعلى الموضوع
تحياتي \ الصـــــــــ الثبيتي ــــــــويت |
بالنسبة لموضوعك اخوي غلـاب موضوع حلو وبزيد على كلامك ياولد عمي
مرة كنت رابح للمستشفى وكان يعالجني ممرض (شيعي) قال لي انت مبين من شكلك انك بدوي قلت له ايه بدوي ولي الفخر بس كلنا عيال ديرة واحدة سواء بدو او حضر قال انت دوسري قلت : مالك لواء قام يعدد لي قبايل المهم سئلني من اي القبايل انت قلت له انا من عتيبة قام يمدح عتبان المبرز ويحلف بالله يقول انا شفت رجال هل نخوة وكرم بس مثل من نخوة وشجاعة عتيبة ماشفت ويحلف بالله يقول عندنا قبايل في المبرز هل شر بس العتبان هل طيب وماشفنا منهم الا كل خير وواحد من شيبانا يعلمنا ان العتبان اكثر سكان المبرز وبعدها انحدرو للعيون واللي راح بقيق والخ ... لاكن اللي يقول انهم شيعة لا هم سنة لهم مساجد منهم مسجد جاسم على ماظن المهم برقاوي من الرويس وهذا وصل الله على محمد وعلى اله وصحبه اجمعين |
| الساعة الآن »10:38 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd