| معجب العتيبي |
16-Apr-2010 10:44 AM |
عثمان الثبيتي
سلام ردية وفا تنصا عريبين النسب= والطيبين اللي مثل معجب نحب علومها
الليل يامعجب وياما فالزمان من العجب= مار الذهب سلعه ثمينه مااحد يبخس سومها
معجب العتيبي
يامرحبا ترحيبةٍ جاتك على حسب الطلب=لاهل الوفا واهل الوفا ماتختلف بسلومها
خلك مع اصحاب الرتب تصبح من اصحاب الرتب=وابعد عن اصحاب الوجيه العابسه ورقومها
عثمان الثبيتي
راع الوفا يااهل الوفا في سد دقني والشنب= وانا زبون الوافيه والطايلات ارومها
انا من اهل العرف وادري عن قوانين العرب= نقدر العقال والجهال ماحد يلومها
معجب العتيبي
وانا ماقول الا نعم وتسد في وقت النشب=لو ان بعض الناس مايعجبك كثر حلومها
ياصاحبي عثمان مابه شي ماجاله سبب=فتش وتلقا البينه فدروجها وختومها
عثمان الثبيتي
تقول وانا اقول والدنيا مراقبها تعب= يصبح ويمسي بين سجة فرحها وهمومها
النار ماتاكل يكود مسيلمه وابو لهب= وروحي وروحك ياعسى الفردوس من مقسومها
معجب العتيبي
هذي قديمه فالمجالس والمكاتب والكتب=لكن دور غيرها واحرص برفع سهومها
اللي يعرف الحق عمره في كلامه ماكذب=واللي جهل دنياه ماتعطيه غير سمومها
عثمان الثبيتي
وردانك اللي كاد قبل العام يفجرها الغضب= واليوم راجع عند تال القوم ياقيدومها
بعض العرب يمشي بسرعه لين ياكل له مطب= وبعض العرب ماتستريح الا بفرك خشومها
معجب العتيبي
الخطه اللي كتبها بين ترا ماتنشطب=يالشاعر اللي تحسب انك فالبلد زيزومها
الاوله والثانيه ماهيب طبع اهل الحسب=يااصحابنا اللي تعرفون البينه من يومها
|
