في هذه المحاوره :

شاهر كرر كلمة ( السكينه ) وكرر كلمة ( يمينه ) ثلاث مراات.... !!!!!

اخوي عبدالمجيد ::

اكيد ( مشيت السكينه ) غير مفيده ... لكن عندما تذكر الشطر كامل ترا انها مفيده مليون في المئــه ..

( عساهـا تحفـك لامشـيـت السكيـنــه ) لا ارى فيه شي ... ومع هذا احترم وجهة نظرك ..

فعلاً أنا آسف تسرعت و ما أنتبهت لكلمة تحفك :) فالمقصود باللذي عساها تحف الشاعر (السكينه)

بن ثايب :

يـا مــال السلامـه ياثـمـود ولـد عــاد @ عليك وعليها من الملاسيب عيـنــه !!


ماستوعبت هالبيت ممكن احد يتفضل علي ويشرحه؟

لاحد يجيني يشرح لي الكلمات اعرفها ابي واحد يشرح لي البيت كامل

شكرا يا فالح لكن أنا بعد أن شاهدت محاورة ابن ثايب ورشيد الزلامي أدركت أن ابن ثايب ضعيف جدا في المحاورة ومتسرع ولا يركز والمحاورة التي قدمتها أنت الآن تؤكد أنه مع احترامي ما زال يجهل أبجديات الفتل والنقض .. هو فقط يجيد الاستعراض اللفظي والمعنى المكشوف .

عزيزي : مصر ألاحظ انك في كثير من المواضيع تتعمد الاساءه لابن ثايب ولكن ابن ثايب يحسب له عمالقة المحاوره الف حساب فهو معلم الكثير منهم .. ولايحتاج لنقدك مع كامل احترامي لشخصك الكريم

هو فيه أصلا شيء إستوعبناه

بن ثايب شاعر كبير وفيه موهبة الشاعر القدير لكن اكرر انا من قتل بن ثايب من وجهة نظري هم جمهوره وانا الليلة البارحة كنت في حفلة فيها ابو منيف وكم شاعر معاه واقسم بالله العظيم وعندي زميل من قبيلة قحطان الكريمه انا لغيرنا مكاننا اللي كنا جالسين فيه من ازعاج صفوف العرضة عندما يلقي الشاعر قصيدته فهم يتبادلون الكلام والتنكيت ولا يدرون وش يقول الشاعر فكيف يشيلون القصيدة ؟
وكيف يعرفون المعنى...؟

يهمهم الالحان وان الشاعر يرد بسرعه ويهاتر وقد شاهدتهم بعيني يصرخون عند كل كلامه فيه تهجم وان كان غير محسوب ولا ينتمي للمحاوره والشعر..

بن ثايب قدم الكثير لكن لو وجد جمهور واعي ينصحه ويوجهه وينهاه عن بعض المهاترات ويركده شوي كان ظهر بمستو افضل بكثير من مستواه في هذه المحاوره وغيرها من المحاورات..

من يقول ان الفتل والنقض مقتول هنا اتفق معه ولكم ان تلاحظوا الشاعر عندما يلقي قصيدته فهو ينظر للجمهور وينتظر منهم التفاعل والتشجيع وهذا لايكون الا بمدغدعة مشاعرهم واحساسيسهم بهذه الاساليب من المحاورات الهجومية.

بينما المفترض ان يكون الشاعر متحمس لجو الهدوء وعدم الازعاج ...

ماسبق رأي أومن به اتمنى لا يغيض احدا شكرا للجميع