الهيـــــــــــــلا *** منتدى قبيلة عتيبة

عدنا من جديد
بعد متابعة هذه المحاورة حاولت أن أدلى بدلوا لسطر لكم وجهة نظري المتواضعة والتي تعد نقطه في بحر أمام شعراء ونقاد هذا الصرح الشامخ
نترككم مع الطاروق والتعليقات
عبدالله العلاوه
عداد مادندن الراعد ولاح البرق من فوق=يامرحبا بالاقارب والاجانب بالنيابه
مالله خلق مثل بالحارث على ذا الارض مخلوق=واللي مهو ذيب يامصلح تعشاه الذيابه
الشطر الأول من البيت الثاني فخر تجاوز الخطوط الحمراء وربما وقع في محذور شرعي فضلاً عن هضم حقوق القبائل الأخرى وهو تمهيد لما يأتي في الشطر الثاني حيث كمل بمثل يضُرب به للحذر من الغدر والخيانه " واللي مهو ذيب يامصلح تعشاه الذيابه" فهو يحذر مصلح ويوصيه رغم أنه أصغر منه ولكن كأنه يتحدث عن تجربه شخصية لقنته درسا لن ينساه جعله يستشهد بهذا المثل وهو هنا يؤكد تلك الإشاعة التي تقول بأن العلاوه تعرض لمكيدة من قبل زملائه الشعار بغرض إبعاده عن الساحة وعندما نربط العجز بالصدر فكأنه يقول لم يكن مثل بالحارث في طيبهم ووفائهم فأنا واحداً منهم أتيت من هذا الباب وصدقت كل من ضحك معي حتى صرت عشاء لتلك الذئاب المفترسة
مصلح:
عداد من حج بيت الله وخذ مقضا من السوق=دام البقا يامرحب عن شباب وعن شيابه
عز الله انا علينا للرجال حقوق وحقوق=من غير تقصير في خندف وعزوتنا شبابه
اخذ البيت على ظاهره ولم يفهم مقصد العلاوة أو أنه كان يريد تجاهل مغزى العلاوة تفاديا للحديث حول هذا الموضوع وخرج بهذا المخرج
العلاوه:
والله يامدام جسمي فيه نبض ودم وعروق=اني ما سالك سوالٍ منت داري عن جوابه
العلاوة استخدم اسلوب احرج مصلح فهو يقول أنك لم تفهم مقصدي وإني سأخذ عهد على نفسي بعدم تكرار الغلطه معك

فصل وانا البس واخذها واعطها والكيف له ذوق=واللي مايطعم حلاها والمراره وش تبا به

البيت الثاني شمل رد وتوجيه لمصلح فهو يقول " فصل وانا البس " إذا أخطأت في حق أحد
ثم وجهه مصلح بقوله" واخذها واعطها والكيف له ذوق=واللي مايطعم حلاها والمراره وش تبا به
" يقصد الفتل والنقض والملعبه فهو يقول وخذها واعطها (أي بادلني النقاش بطريقة صحيحه) والكيف له ذوق الملعبه اللي ما يفهم في الملعبه وش تبابه
مصلح:
ياراعي الجوهره(الكلمة الجزلة) زوّد على الصندوق صندوق (هناك مقولة تقول بأن الشاعر يضع المعنى في صندوق ولم يحصل عليه إلا من جاب مفتاح ذلك الصندوق فمصلح هنا يقول بكل ثقة شد حيلك يالعلاوه وزيد المعنى إحكام فإني قدير على مجاراتك فيه)=واحسب حساب الزمان اللي صرف لك من حسابه
ربما مصلح وصف نفسه بالزمان أي احسب حسابي فإن لي فضل عليك ودعمتك في بدايتك خصوصا أن بيت العلاه السابق كان فيه شئ من الاحتقار بطريقة غير مباشرة (اني ما سالك سوالٍ منت داري عن جوابه) وربما يقصد الشخص المتهم
عز الله انا على جزل المعاني هزنا الشوق=سلمت ياراسي اللي ماتميلك العصابه
يلاحظ طرب الشاعر مصلح عندما شاف ابداعات العلاوه تذكر ماضيه على الساحة مما جعله يتوجد على جزل الكلام أما الشطر الثاني فهو يقول سلمت ياراسي "أنت يالعلاوه" اللي ماتميلك العصابه وهنا تلا عب لفظي فهو لم يقصد عصابة الرأس بل يقصد العصابة المتهمة بالمكيدة

العلاوه:
انا عدو الزمان اللي صرف لي شيك مسروق=وليا اختلط سيلها بالابطح ايامه تشابه
يؤكد هنا عدم مصداقية ذلك الشخص ويعلن عداوته
ما حولنا شر نسلم منه. غير الغدر والبوق=والغدر والبوق ملبوس المغفل والغلابه
مع إنه كشف المعنى إلا إنها صياغة قوية جداً حيث أن الشطر الأول جملتين مستقلة عن بعضها (ماحولنا شر نسلم منه. غير الغدر والبوق) يقتضى وجود الغدر والبوق حوله

مصلح:
صبرك عليه وانا صبري ترى المطرود ملحوق=والشر مدري من الهذلان والا من عتابه
رايح تبين لك الايام وين السبب وتظهر الحقائق فلا تستعجل
لاتحرق القلب ياحماس دم القلب محروق=وليا سلم لي جفير السيف احده في نصابه
يتألم مصلح هنا لحال العلاوة ويقول لا تزيدني فالجرح دامي
العلاوه:
انته تدور حناجر في حلوقٍ ماهي حلوق=مدري تعذر عن اللي عاف زاده مع شرابه
تلاعب لفظي
ارتاح لا ينحرق رزك ترى المجموع مفروق (المجموع مفروق هم أعداءه رايح يتفرق جمعهم )=والمنفرق مجتمع والظلم له ريس عصابه(والمنفرق مجتمع أي سوف نجتمع يوم القيامه جميعاً )والظلم له رئيس عصابه (يقصد الشخصية المدبره )
مصلح:
مصدرك ماثوق ياراع الوفا مصدرك ماثوق=واللي يعاتبك من قلبٍ نظيف اقبل عتابه
أنت صادق وأنا لك محب مخلص لك فلا تتضجر مني
مادمت رجلٍ كفو تقدر ترد الطاق مطبوق( تقدر تأخذ حقك دبل )=الله يحييك واللي في ظميرك مرحبابه

العلاوه:
هي فلة حجاج هي دنيا فرح عاشق ومعشوق=وإلا صحيح البعوضه خير منها والذبابه
يتكلم عن عن الدنيا وحال تلك العصابة ـ كما سماهم ـ بها يقول هم مستأنسين بها وفرحين ومن معهم ولكن هذا لا يغير حقيقة فهي دنيا لا تسوى عند الله جناح بعوضه
راسٍ مقرٍ يروس الروس والا راس محلوق=ياروس ونفوس ياجنة زمانه ياعذابه
مصلح:
لا والله الها حدود وفي سماها غرب وشروق(ينفي الفرح الكامل بالدنيا فهو يقول أي بها أقدار وأحزان وأفراح ) من لا يحسب عواقبها تبا تنثر زهابه( ومن لا يحسب لها ويتقي الله ستكون العاقبة سيئة)
والشاعر اللي يبا ياخذ مع الطاروق طاروق=شويه شوي لايقضي على ظرسه ونابه
حٌجه وحاجه كما يقلون فهو يقول على رسلك لا تقضى على القوى الداعمه لك
العلاوه:
دنياي ماهابها هيبة لسان ووجه مصدوق=اموت لاهابني واحيا ليا اعطيته مهابه
حنا نغني يامصلح والسنين تسوق وتحوق=قال المثل صاحب الوادي هو ادرى عن شعابه
هنا تلاعب لفظي عجيب
مصلح:
لاتقطع اليأس من دنياك والبارود مسحوق=يالرامي اللي ليا صوبت دققت الاصابه
لا تأيس والموهبة الشعرية جاهزة وأنت شاعر إذا لعبت أصبت
اسمك مسجل على الصفحات مع برقا ومع روق=وزعتك يافارس الفرسان مافيها طلابه
لك بصمة في الساحة الشعرية مع كبار شعراء الساحة ولك مكانة لا جدال فيها
واخيرا نتمنى أن نكون أفدناكم و اسبيحكم عذرا على الإطالة