انا باعلمك عن اللي اعرفهم ؟ الاقارب بانين بيوتهم من 35 سنه بقروض من البنك وللحين يقاصدونها وانتجوا ؟ اللي تزوج من انتاجهم كلهم مستاجرين واللي ماتزوج راقد في المقلط ؟ عاجز من الاجار ومضيق صدره وشايل همه ؟

مساحة ارض البيت 250م ؟

والولد الكبير حاجز الشقه اللي فوق ههههههههه

هذا حال الشعب السعودي


لكن صدقني متى ياصل العلم خادم الحرمين الشرفين راح تسمعون اخبار طيبه


واعتذر لحمود على المداخله

ههههههههههه

الله يعين

طيب ابغى اللي اعمارهم من 40 سنة الى 20 سنة كم عدد اللي عندهم بيوت ملك؟

ولا واحد منهم عنده ملك الا واحد من الربع عمره 45 سنه يبني للحين له خمس سنوات من بدا ؟

وشخص اخر تقاعد وبنى بعد التقاعد بعد ماقضى من عمره خمسين عام وهو مستاجر

هههههههههههههه

الله يكون في العون

والله الحال من بعضه ياسمي...

انا اللي اعرفهم من اقاربي ماجاتهم قروضهم الا قبيل التقاعد بقليل يعني يوم سكن بيته وهو خلاص تجاوز مرحلة الشباب وعلى قولتهم يالله حسن الخاتمة.

يعني الواحد في زهرة شبابه وهو بكامل قوته وعنفوانه يحرم من حق من حقوقه ؟

ما ازين من البيت لما يجيك في بداية حياتك ترتاح وتعيش حياة كريمة مع اهلك . تمارس فيه كل هواياتك من تغيير وزراعة واضافات وترتاح من ازعاج المستأجر وتسلطه .

الله يامن حرمنا منها يحرمه من عافيته وسلامتك.

من زين سمعة البلد عشان تسئ له ؟


لو رحت خارج السعودية سمعت السب في بلدك ولو تسوي شئ كرشوك ؟ يعني مكروش داخل وخارج

كلها من البطانه الفاسده جيدهم في الشعب المسكين

انا أعتقد 10-ـــــ 20 فقط
انا اعرف جماعتنا كلهم مساكنهم ملك والبعض عنده ثلاث واربع عمائر للائجار ولهم استراحات بعد ههههه
عدد بسيط جدا من الشباب المتزوجين حديثا ماعندهم مساكن بحكم مكان عملهم لو ان عملهم بمدينة اهلهم يمديهم عمروا لكن الوظيفه تحكمهم ولا بد يستاجر
وبنظره عاجله شف عدد الوحدات السكنيه في كل مدينه تجدها اكثر من السكان بعضها خاليه

هم ماقالوا مافيه احد يملك بيت قالوا 40% يملكون بيت ومن ضمنهم ربعك وغيرهم والحقيقه فيه ناس مستاجرين وفيه ناس مطرودين وفيه ناس ساكنين تحت الكباري وفي الاحياء المهجوره وفيه ناس مستاجرين في بيت ماحد يسكنه وفيه ناس مستاجرين البيت كما هو يعني بدون فرش وزوالي اللهم بساط يسحبونه من الصاله للحجره وفيه ناس ياكلون من الزباله الله يكرمكم وهم لو تجمعهم يشكلون اكبر نسبه وش ذنب هذولا وربطهم بالتجار الكبار والصغار ؟*

يافهد مافيه سعودي يسكن تحت الكباري يمكن شفت من العماله المتخلفه

عموما الموضوع عن الراتب مايكفي وتدخل الكثير من المغردين من جنسيات مختلفه للتغريد بهدف احراج حكومتنا وخلق فتنه بين الشعب السعودي وقيادته

أما السكن والقروض فذاك موضوع اخر

اشوى انك ما انت مسؤول ياحمود

حمود : كل جماعته عندهم املاك والكثير منهم عنده عمارتين وثلاث

فهد العتيبي وفهد الزهراني: اغلب جماعتهم اقاربهم وجماعتهم ما عندهم ملك.

وش رأيك جماعتنا يتعرفون على جماعتكم لعل البركة تعم ههههههههههههه