صحيح وصيدتي بمناي وشايفها بظهر البيد = وطلقه من حزامي ثم اجيك الحين صايدها
انا بعطيك درس ودرس لكن كلهاا تمهيد = وابى معك قلم واكتب من الحصه فوايدها

أمشيها عليك ولآنت داري لين تضرب حيد=سباع الغاب فى المخلاب ماعاشت طرايدها
أنا ما آستقبل دروسي من الطلاب بالتحديد=كثير من الغشم تخرج على فمها مصايدها

الا يا هوه ماتمشي وانا حطيت فيهاا القيد = وان اشوف الصقاري طاح في مسعر وقايدها
ترى بعض الدروس تفضل المشعابٍ والتهديد = لكن المصلحه ماهو بعارف وش بنايدها

تبي تمشي بعد ماآخذتها بالكاش والتقصيد=وتنكرها لكن عتيبه الهيلا تشاهدها
قرون الوعل طاحت والوعل مايملك الترشيد=يبي ينطح جبل مايدري إن الروح لاهدها

صحيح الخبل سالفته يرددها لنا ترديد = يقوله راعي الامثال سالفته يرددها
الا يالطير الابرق ماك بفودٍلنا وتفيد = مغار انك طعامٍ للحرار الي نهددها