المشاركة الأصلية كتبت بواسطة مرزوق العتيبي (المشاركة 266125) ... . الله الله ... حسب مانستطيع انقيم من دون المشاكل سور = ومن خالف طريق الحق فــ له السيف شاماني على هذا الكلام انقول لك يا لاجودي مشكور = ولادري هو كلام اصحيب ولا هرج قوماني

تكلم لك كلام ٍ ياوسيع المعرفه مخبور = ولكن نطلب الله جل ملكه يصلح الشاني
ليامنا تعاونا على فعل الوفاء المشهور = نتيجة هالتعاون يخزي الله كل شيطاني

تقوله ياكبيرن فالوطن جوف الوطن مكبور=تميل لجلها الميزان بعض أحيان وأحياني
عسى الله ينصر أهل المعرفه والبيرق المنشور=ولا تشمت بنا العدوان عدوانك وعدواني

علانا يشهد الله ماارتكبنا الظلم ولاّ الجور = نمشيها على نهج الرجال اطوال الايماني
ولكن وش تسوي لاعرض لك واحد مطيور = يبا عندك يروّج للسلع نازلت الاثماني

نباها تنتهي وأحسن لنا يالشاعر المذكور=وقصر السالفه مضبوط من شانك ومن شاني
ولا ياكثرهم كثراه ابو مخلب وابو دنقور=ونوع أقشر ولكن مايطير ومعه جنحاني

لك الله شاعر ٍ شعرك شبيه اللولو المنثور = ولايشبه كلام اللي يغني داني ياداني
تشرفنا بوقت ٍ معك قضيناه يالمنعور = عسى الله يجزي اللي يفعل الاحسان بحساني

المشاركة الأصلية كتبت بواسطة مرزوق العتيبي (المشاركة 266154) علانا يشهد الله ماارتكبنا الظلم ولاّ الجور = نمشيها على نهج الرجال اطوال الايماني ولكن وش تسوي لاعرض لك واحد مطيور = يبا عندك يروّج للسلع نازلت الاثماني