الهيـــــــــــــلا *** منتدى قبيلة عتيبة - ظاهرة حذف إسم القبيلة من بطاقة الأحوال

- أنساب قبيلة عتيبة (http://www.otaibah.net/m/forumdisplay.php?f=7)

- - ظاهرة حذف إسم القبيلة من بطاقة الأحوال (http://www.otaibah.net/m/showthread.php?t=31025)

مشكور يا بن الأجواد

وجهة نظرك مطلب من مطالب الدولة!!

ولكنها لا ترغم أحداً على عدم كتابة اسم القبيلة في البطاقة.

اقتباس:

المشاركة الأصلية كتبت بواسطة المحب الصريح (المشاركة 272350)

بصراحة يالنايع وأنا اخوك ان هالموضوع له عدة اسباب هذا اذا كنت تقصد اللي انه من قبيلة لكن غير مذكوره في اوراقه هذا الشي يمكن يكون بغير ارادته او يكون موظفين الاحوال معقدين شوي ومتعصبين
او يكون طريقة المعيشة ومحل الاقامة له دور او قد يكون هذا الشخص من نزيعة في تلك القبيلة

لكن المهم ان ولد القبيلة الصدقي تعرفه من وجهه اول ماتشوفه بصفات الرجولة والكرم واشهامة والشجاعة والنخوة والحمية لكن مع هذا عليه ان يكمل هذه الصفات الحميدة بالاخلاق الاسلامية الأخرى لأن الرسول عليه السلا م اخبرنا ان معايير التفضيل تلك الموجودة في الجاهلية هي نفسها في الاسلام لكنها لاتكتمل الا بالدين (خياركم في الجاهلية خياركم في الاسلام اذا فقهو )
اما اذا كنت تقصد ان هناك اشخاص اصلا مسمى القبيلة موجود ثم يحاولون يحذفون اسم القبيلة ويستبدلونه باسم آخر فهذا انا اعتبره ضعف شخصية ! وقد يكون له سبب مثل بعض المناصب العليا يصعب على من يحمل اسم قبيلة مشهورة ان يحصل عليها لاسباب ماودنا نقولها
او لسبب وجود شخص في محل ناس متعصبين على القبايل مثل بعض المناطق مثل اللي انت كاتبها تحت اسمك!!!!!
لكن مع هذا ارى ان هذا ليس عذرا فالانسان عليه ان يثبت نفسه وشخصيته كما هو وبعضهم للاسف يرى ان مجرد ذكر القبلية تخلف وبداوة!!!!! و ...و,,,
وهذولا موجودين وهو اللي اشار اليهم احد الردود أعلاه فهذه النوعية حتى لو كانو ينتسبون لقبايل لكن بالنسب اما غير ذلك فلايختلفون عن البقية وللاسف اني قابلت بعضهم ولقيتهم مثل ماوصفهم الاخو راع الرد اللي فوق (((الرخامة وال....... فهؤلاء اتركهم عنك ماعلاك منهم اصلا انتسابهم لاي قبيلة نقص عليها
على مقال شاعر عتابة لانفع لربعة ولازود لغيره!!

أخي المحب الصريح

هذه هي أهم تبريراتهم عندما تسألهم عن السبب.

واعتقد أنك ترى أنهم غير معذورين.

وانا أعتقد أن الذي يخفي أسم قبيلته بهذه الطريقة. لن ينفعها بشي. وإنما هو ينفع نفسه فقط. والدليل تخليه عن انتمائه لمجرد ناس متعصبة تبغض بني جنسه (حسب اعتقاده).

صبحكم الله بالخير ياعيال العم

والله انه موضوع رائع واكثر من رائع وانا والله اشكرك يالنايع من كل قلبي على طرح ذا الموضوع...

المهم والله فعلا انك صادق بموضوعك وخصوصا حنا ياعتبان جنوب الطايف...

تلقى على سبيل المثال احنا يالسوطه ثلاث ارباع القبيله كاتبين السواط وربع وهذا اذا مو اقل من الربع

كمان كاتبين السواط العتيبي...

وكمان ناس من اخوياي نفعه وجعده ومن خديد وكل عتبان جنوب الطايف بدون استثناء على ذا الحال

يقولون لي انهم يواجهون نفس المشكله...

وانا وربي ان ذا الشيء حاز في نفسي واني مقهور منهم ...

وكمان رحت لاحوال مكه مرتين عشان اضيف اسم العتيبي طردوني مع الباب قالوا لازم يكون اسم

القبيله مكتوب عند ابوك وعند جدك بعدين نكتبه لك ...

لكن الحين بعد ماقريت موضوعك وربي شجعني وشكل بروح لهم ذا المره الثالثه واتهاوش معهم لخليهم

يضيفونه بالطيب او بالقوه...

وبالله عليكم افدينوا وش الطريقه اللي تخلي الاحوال تكتب اسم القبيله في البطاقه

وعلمي وسلامتكم

بارك الله فيك ياالنابغ وتسلم على هالموضوع المهم والمهم جداا0
اما البنسبه لخوينااا ناجم العتيبي انا انصحك انك تاخذ صوره مصدقه من شيخكم لشجرة قبيلتكم وتدل على انك انت او ابوك من قبيلة السوطه من عتيبه 0
وتروح للاحوال والله يعينك تراها تبا تطول بس اصبر والله يعين0
ودمتم اخوكم ساري

أخوي ناجم حياك الله
والله ونعم بعيال عمنا السوطة
واعتقد أن الأخ ساري كفى ووفى

يعني إذا بغيت تضيف اسم العتيبي لازم تاخذ تعريف من شيخ القبيلة. وهكذا.

تحياتي.

حياك الله أخوي ساري3
ومشكور على الإضافة الجميلة.
تحياتي

بسم الله الرحمن الرحيم

الله يبقيك ياولد العم 0

وترا ماسويناا الا الواجب ومقصرين فيه بعد ؛ والاخوان ماقصروا صراحه

بالردود؛؛؛؛ وانا مع اللي يقول ان لقب العتيبي فالبطاقه ما ازين منه وعزالله انه يحليها0

وعلمي وسلمتكم0

اخوكم ساري00

وحيد لي ميحذفة العتيبي

لن يفتخر بسم العتيبي

كل يتمني يكون عتيبي

اذا اسم العتيبي علي بحرام مشيل من اسمي ليش اشيلة افتخر بني اشيلة العتيبي يكفي تاريخ وفخر وعزة وهيبة بين قبايل

مشكور يا ساري مرة أخرى

رائد العتيبي
مشكور على العبارات الجميلة.

بس أخاف أحد يقرأ كلامك ولا يفهمه

ثم يظن أن أهل الولاية كلامهم كذا

لغة جديدة