ليا جات المواقف يالعتيبي طيع ولا عيّ=عيونك تلتفت فالقوم ولا ّ تلتفت فيّه!!
انا خابرك مانت بشيخ ياسلطان عمدة حيّ=وياكثر العمد كثراه في شعب السعوديه!!

انا لو التفت يمك يلدون العوارف في=وتصبح فوقي الشرهات مربوعه ومثنيه
اجابه دبلوماسيه وسر السالفه مخفي=انا كنت احسب انك ماترد الناقصه ليه

ولا ياربعنا العتبان جعله مايموت الضي=لامات الضي يعني ياعتيبه مابها ضيه
ليازاد المرض فوق المرض فتلا العلاج الكي=وحنا لاكوانا بالمياسم ننضج الكيّه

والا يالكبتن مناحي عسى ماحاصل لك شئ=علامك حاير مابين هاذيه وهاذيه
ياكثر اللي على بالي ليا حان الوعد يطري=ياليتك فازميلي تحتمل علمي وطاريه