كل رجالٍ على شكله يطيح = والعرب تمشي بحسب عقولها
ولاّ أنا بنشدك عن قوم المسيح = ويش غيرها على مرسولها
أرتفع ياطير فالجو الفسيح = والطيور محلقّات بجولها
مايجيك من القبيح إلا القبيح = لا تعجّّب والفعول فعولها
عز نفسك لا يغرك بالمديح = من يدس السّم في معسولها
حيةٍ تزحف وجايلها فحيح = سمها ولسانها ذا طولها !
دوسها والسمّ في الرقــه يسيح = وخل خلق الله تمد رجولها
لا تحسّف والبجاحه للبجيح = والعرب تجزى بحسب فعولها
كم وكم قلبٍ من الدنيا جريج = لن حسبنا للخبال خبولها
ولاّ أنا قلبي من الدنيا ذبيح = والقراده مايداني زولها
لو تطيح نفوس , نفسي ماتطيح = وكلمةٍ ماهيب لي ماأقولها
أصطبر واصبر وصبري مايبيح = شايل ٍ شيل الجمال حمولها