قبلة الاسلام كعبه واحمد الله قبلتلي =وانت ياراع البقاله عيشتك تأكل علبها !!
ياولد عساف فالميقاف رجلي ماتزلي=كيف رجلينك تسير ماتثني في ركبها !!

سلطان الجـذع

يالعصيمي لاتعلق في لميس الفاتن اللي = كم جريحٍ ماتطيب جروح قلبه من سببها
بين نزوات الغرام وبين نظرات التغلي = وانت لاجايٍ بكسوتها ولاجايب ذهبها

ناصر الجلاه

يالجذع وأليا نشدتك يارفيق الروح قلي=السبايب والمصايب يوم ترخي في هدبها !!
يوم قلبك من هواها تله المسفار تلي=العصيمي مابحث عنها ولادور نسبها !!

سلطان الجـذع

احمد الله وأشكر الله فالقهب ذودك مفلّي= وانت تحت السكرية ويتساقط لك رطبها
لايجي فالصدر ضيق ولايجي فالقلب ذلي = من هو اللي غير ناصر ساق رجله في طلبها

ناصر الجلاه

قبلة الاسلام كعبه واحمد الله قبلتلي =وانت ياراع البقاله عيشتك تأكل علبها !!
ياولد عساف فالميقاف رجلي ماتزلي=كيف رجلينك تسير ماتثني في ركبها !!

مانعدك غير سيفٍ ساعة الشده يسلي = مير بقعاء تحت جنح الليل تفتل لك شنبها
انت ماقدمت رجلك فالطلب عشرين ملي = والجذع فالدرب واطيٍ راس الافعى مع ذنبها