المهمّات الصعيبه جهار من النهار=علّمتني جعل ربي يكثّر خيرها
الحياه دروس فيها المواقيف إختبار = و الشهاده كلمة ( ونعم ) و لاّ غيرها
الهدف معروف و العلم يعني باختصار=فعل يمنى الرجل يفرض لها تقديرها
كلمة المعقول توخذ بعين الاعتبار =فالقلوب يبين مفعولها و تاثيرها
فالشدايد كثروا مقدمين الإعتذار=تعتذر بالعذر ما خانها تعبيرها
ألسنتهم دايم طوال و الايدي قصار= فالعلوم الطيبه واضحٍ تقصيرها
والرجال اللي لهم قيمه وقدر و وقار= غير علم الطيب ما دار في تفكيرها
العزوم الصامله ما يجي في إنهيار =الله يساعد رجال الوفا و يجيرها
و الليالي ما عليها ضمان و لا قرار=الله اللي يدرج أفلاكها و يديرها